Mikill áhugi fyrir tónleikum til heiðurs Ingimari Eydal
Gríðarlegur áhugi er fyrir tónleikum til heiðurs Ingimari Eydal í Hofi um helgina. Yfirskrift tónleikanna er "Fjölskylduferð í Skódanum" sem er tilvísun í brandara sem gjarnan var sagður af Ingimari en vísar líka til þess að þessir tónleikar munu líklega sýna fleiri hliðar á Ingimari en áður hafa komið fram. Uppselt er á tónleikana kl. 20.00 á morgun laugardag og kl. 16.00 á sunnudag. Enn eru til miðar á aukatónleika kl. 23.00 á laugardagskvöld.
Þessi ferð í Skódanum hans Ingimars verður full af elskulegheitum og óvæntum uppákomum. Ingimar var fæddur 20. október 1936 og hefði því orðið 75 ára á þessu ári hefði hann lifað. Inga Dagný Eydal, dóttir Ingimars, segir að undirbúningur tónleikanna hafi gengið vel. Við erum að upplifa mikinn áhuga og hlýhug frá fólki. Greinilegt að fólki þótti vænt um Ingimar Eydal og vill vera með í fjölskylduferðinni okkar. Upphaflega áætluðum við tvenna tónleika sem seldust fljótt og vel og til að gefa fleirum kost á að njóta settum við inn miðnæturtónleika á laugardagskvöld. Enn eru laus sæti þá og fer nú hver að verða síðastur að komast yfir miða þar sem einungis verður um þessa einu helgi að ræða. Við verðum með báða flygla Hofs á sviðinu í einu alla tónleikana og mun það vera einsdæmi, segir Inga.
Tónlistar- og hljómsveitarstjóri verður Karl Olgeirsson og með honum verður sannkallað stórskotalið eða þeir Gunnar Gunnarsson, Jón Rafnsson, Sigurður Flosason, Hannes Friðbjörnsson og Jón Elvar Hafsteinsson. Það eru svo þau Guðrún Gunnarsdóttir og Stefán Hilmarsson sem sjá um söng ásamt Ingu Eydal og Ingimari Birni Davíðssyni. Heiðursgestir verða svo söngvararnir ástsælu Helena Eyjólfsdóttir og Þorvaldur Halldórsson.
Kynnir verður Margrét Blöndal og mun hún með aðstoð sviðsgaldra ýmis konar leiða gesti inn í heim tónlistarinnar og þess andrúmslofts sem fylgdi þessum einstaka og dáða listamanni á lífsleiðinni. Andrúmslofts sem einkenndist af elskulegheitum og glaðværð. Víða verður komið við, rifjuð upp tónlist frá ýmsum æviskeiðum Ingimars, ef til vill sagðar af honum ein eða tvær sögur og ferðast svolítið með tímavélinni um gömlu Akureyri, þegar við áttum "Lindu, Kea, Amaro og SÍS".
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
