Mikil gróska hjá áhuga- leikfélögum norðanlands
Soffía Rut Guðmundsdóttir var gestur númer 3.000 og var hún leyst út með gjafabréfi fyrir tvo á sýningu hjá Freyvangsleikhúsinu á næsta leikári. Auk þess fékk hún dýrin í hálsskógi boli, piparkökur og Reykja gulrætur. Gert er ráð fyrir að sýningum ljúki í lok þessa mánaðar og líklega verður hætt að sýna fyrir fullu húsi. Því eru uppi hugmyndir að setja sýninguna jafnvel af stað aftur í haust en það er þó ekki alveg ákveðið. Leikhópurinn hefur verið samstíga og mikil gleði ríkjandi í kringum þessa uppfærslu.
Leikdeild Eflingar hefur sýnt Ólafíu, nýtt frumsamið leikverk eftir Hörð Þór Benónýsson, að Breiðumýri í Reykjadal að undanförnu. Sýningin hefur fengið mjög góða dóma og verið gríðarlega vel tekið. Alls hafa verið 13 sýningar til þessa og eru gestir orðnir á annað þúsund talsins. Verkið fjallar m.a. um ungt fólk, gleði þess og sorgir, það áreiti sem það verður fyrir í lífinu og samskipti þess við fólk af eldri kynslóðum. Sýningin höfðar til fólks á öllum aldri, enda er í henni fjallað um málefni sem varðar alla, unga sem aldna. Síðustu sýningar á Ólafíu eru næstkomandi miðvikudag, fimmtudag og föstudag.
Leikfélag Hörgdæla hefur í vetur sýnt leikritið; Lífið liggur við, efir Hlín Agnarsdóttir, á Melum en sýningum hefur verið hætt. Sýningin fékk mjög góða dóma og var ágætlega sótt. Alls urðu sýningarnar 13 og voru gestir um 750 talsins. Forsvarsmenn leikfélagsins telja að aðsóknin hefði alveg mátt vera betri en þeir eru engu að síður ánægðir með hvernig til tókst og að það skipti miklu máli.
Þá má geta þess að Freyvangsleikhúsið er eitt þriggja íslenskra leikfélaga sem valið hefur verið á Neata hátíðina. Um er að ræða alþjóðlega leiklistarhátíð áhugaleikfélaga víða um heim, m.a. frá Noregi, Finnlandi, Danmörku, Svíþjóð, Færeyjum og Frakklandi. Alls taka tíu lönd þátt í hátíðinni sem verður sett upp í Menningarhúsinu Hofi á Akureyri. Leikverkið frá Freyvangsleikhúsinu er Vínland, eftir Helga Þórsson, sem var uppsetning félagsins í fyrra og var valið áhugaverðasta áhugaleiksýningin 2009 og var sett upp í Þjóðleikhúsinu.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.