Mikið fjör en farið að bera á vöruskorti hjá Skíðaþjónustunni
Viðar segir að höfuðborgarbúar hafi flykkst norður í land á skíði í vetur og tekur undir með forstöðumanni Skíðastaða sem líkir aðsókninni í Hlíðarfjall við það að hér séu páskar aðra hverja helgi. Í nýliðnum febrúar varð til að mynda 100% aukning í sölu hjá Skíðaþjónustunni miðað við febrúar í fyrra, en þó hafði orðið dágóð aukning milli áranna 2007 og 2008 í þeim mánuði.
Viðar segir að farið væri að bera á vöruskorti í versluninni, en vegna bankahrunsins í október hafi þeir ekki fengið allt sem þeir hafi pantað. Allur brettabúnaður er keyptur frá Kína og var fyrirtækið búið að greiða inn á sendingarkostnað fyrir hrun og því skilaði sér allt sem pantað var þaðan. Viðar segir að þá hafi sambærilegar verslanir syðra haldið að sér höndum í innkaupum fyrir veturinn og því hafi höfuðborgarbúar í meira mæli keypt vörur hjá sér.
"Búðin er bara orðin hálf tóm og það gengur jafnt og þétt á notaðan búnað. Fólk verður að láta sér hann lynda núna, þegar ekki er til nýtt. Enda held ég að sé í góðu lagi að nýta hlutina betur og fólk er að læra það," segir hann. Skíðaferðalangar sem ætla sér að dvelja nokkra daga við skíðaiðkun hafa líka að sögn Viðars keypt notaðan búnað í meira mæli en áður, því það sé ódýrara en að leigja skíði í marga daga.
Nýjast
-
Ársfundur HSN
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu.