Menningarveisla um helgina með tónleikum og sýningum
Á efnisskrá Föstudagstónleikanna er Íslenskur dans eftir Hallgrím Helgason, kaflar úr Átján hugleiðingum um íslensk þjóðlög eftir Ríkharð Örn Pálsson, Íslensk rapsódía eftir Sveinbjörn Sveinbjörnsson og fjórar þjóðlagaútsetningar eftir Karólínu Eiríksdóttur. Tónleikarnir hefjast kl. 12.15 með dýrindis súpu.
Um helgina er síðasta tækifæri til að sjá sýningu Margrétar Jónsdóttur leirlistakonu í Listasafninu á Akureyri - sýningin ber yfirskriftina Hvítir skuggar. Í Gallerí BOX í Listagilinu er einnig síðasta sýningarhelgi á sýningunni "Kappar og ofurhetjur". Þetta er fyrsta sýningin sem Myndlistarfélagið <http://mynd.blog.is/> skipuleggur í GalleríBOXi sem nú er í umsjá félagsins eftir nokkrar endurbætur og stækkun. Myndlistarfélagið var stofnað á Akureyri í janúar 2008 og eru félagar um 80, félagið er aðili að Sambandi íslenskra myndlistarmanna. <http://www.sim.is/>
Á laugardaginn klukkan 15 opnar Inga Björk Harðardóttir sýninguna "Réttir" á Café Karólínu. Þetta er þriðja einkasýning Ingu Bjarkar en hún hefur tekið þátt í átta samsýningum. Hún útskrifaðist árið 2008 frá Myndlistaskólanum á Akureyri en áður hafði hún útskrifast sem Gullsmiður og starfað um árabil. Sýningin stendur til 3. apríl.
Síðasta sýning Leikfélags Akureyri á verkinu "Falið fylgi" eftir Bjarna Jónsson er á laugardaginn en auk þess sýnir Leikfélagið verkið "Fúlar á móti" þar sem þær stöllur Helga Braga, Edda Björgvins og Björk Jakobsdóttir fara á kostum.
Síðast en ekki síst er komið að tónleikum Sinfóníuhljómsveitar Norðurlands á sunnudaginn. Þar sem frumflutt verður kontrabassakonsert eftir Óliver Kentish, svíta um Góða dátann Svejk eftir R. Kurka og lítil Sinfónía eftir C. Gounod. Einleikari á tónleikunum er Þórir Jóhannsson og stjórnandi er Guðmundur Óli Gunnarsson. Tónleikarnir fara fram í Samkomuhúsinu á Akureyri og hefjast klukkan 16 á sunnudaginn.
Nýjast
-
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli.