Matseðlar í Hrafnagilsskóla fá hæstu einkunn
Í úttekt Elínar Sigurborgar Harðardóttur á mötuneyti Hrafnagilsskóla í Eyjafjarðarsveit kemur í ljós að næringargildið stenst allar kröfur og fær mötuneytið fyrstu einkunn. Í úttektinni voru skoðaðir hádegismatseðlar fyrir október og nóvember 2014, gerður af matráði Hrafnagilsskóla. Matseðlarnir náðu yfir níu vikur. Í samantekt kemur fram að Hrafnagilsskóli sé í góðum málum með sína matseðla og eru matseðlarnir þeir bestu sem næringarráðgjafi hefur séð hingað til.
Einnig kom fram að matseðlarnir væru vel fullgildir og í samræmi við ráðleggingar Embætti landlæknis um skólamáltíðir.
Fjölbreytni í fæðuvali er mjög góð eins og áður hefur verið getið og nokkuð gott jafnvægi á milli þeirra fæðutegunda sem í boði eru í hverri máltíð, á milli daga og einnig yfir tímabilið. Verulega jákvætt að sjá að unnar keyptar matvörur eru afar sjaldan í boði og frekar sé lögð áhersla á að blandaður, samsettur unninn matur, kjöt eða fiskur, sé heimagerður. Það er atriði sem ég hef mikið hvatt matráð mötuneytis skólans til að gera í áður gerðum matseðlaúttektum. Hrafnagilsskóli er í góðum málum með sína matseðla og eru þetta þeir bestu sem ég hef séð hingað til, segir Elín m.a. í samantekt um matseðlana í Hrafnagilsskóla og greint er frá á heimasíðu skólans.
Eins og fram kom í síðasta blaði Vikudags eru Samtaka, samtök foreldrafélaga á Akureyri, óánægð með næringu barna í leikskólum og grunnskólum Akureyrar. Samtaka bar saman útreiknað næringargildi samkvæmt matseðlum við viðmiðunartölur sem Lýðheilsustöð gefur út og sá samanburður leiddi í ljós að leik- og grunnskólabörn eru í mörgum tilfellum ekki að fá þá næringu sem ætlast er til.
Fulltrúar hjá skóladeild Akureyrarbæjar hafa hins vegar vísað því á bug og segja næringuna standast allar kröfur.
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
