Margir hafa sögu að segja
Fjöldi manns hafa haft samband við mig eftir að ég skrifaði um uppákomu dóttur minnar við eigendur Labowski Bar í sumar. Mér er þakkað fyrir að opna umræðuna svo og dóttur minni að stíga fram og þora því sem hún gerði. Við þökkum það að sjálfsögðu. En þar með er ekki sagan sögð. Halda þarf baráttunni áfram. Það má ekki stoppa hér. Ungmenni verða að stíga fram og segja frá, líka hér á Akureyri þó að kunningsskapur sé fyrir hendi.
Móðir stúlku hafði sambandi við mig og sagði mér frá miður skemmtilegu atviki. Með þeirra leyfi segi ég frá. Fyrir nokkru vann dóttir mín í vaktavinnu á veitingastað hér í bæ (Akureyri), sagði hún. Þegar lítið var að gera var hún send heim þrátt fyrir að hafa mætt til vinnu á skipulagða vakt. Að sjálfsögðu var sá tími ekki greiddur. Vinnuveitandi dóttur hennar óskaði eftir að stelpan skrifaði undir uppsagnarbréf þegar hann vissi að hún væri barnshafandi. Dagsetning uppsagnar átti að vera fyrir þann tíma sem hann vissi um ástand hennar. Með þessu snilldarráði kæmist hún á atvinnuleysisbætur og hann þyrfti ekki að borga neitt, eins og hann orðaði það (minnir óneitanlega á málið sem Framsýn rekur nú gegn Visi vegna fiskvinnslufólks). Unga stúlkan var ekki sátt, fer til forkólfa verkalýðsins og viti menn, svarið sem hún fékk var ,,við getum ekkert gert, svona er þetta í veitingabransanum. Það var og! Ég undrast ekki að einstaklingur sem mætt hefur svona viðmóti hafi misst trú á verkalýðsfélagi sínu. Staðurinn er ekki nafngreindur þar sem eigendur hans gætu hafa lagað launamálin frá því þetta gerist og þar til nú.
Formaður Einingar/Iðju skrifaði grein s.l. föstudag sem varpar ljósi á málaflokkinn . Það að ég skuli skrifa um liðin dæmi er til að sýna fram á að verkalýðshreyfingin er meðvitaðri um málaflokkinn nú en áður. Launamenn fagna því. Það að nóg sé að gera á skrifstofum verkalýðsfélaga um málaflokkinn sýnir vitundarvakningu meðal almennings. Á því þurfum við að halda.
Launþegar sem telja á sér brotið eiga að leita réttar síns, því eins og Björn Snæbjörnsson segir, tekið er á öllum málum þar sem brot á sér stað. Undirrituð skoraði á Bjarkey Olsen Gunnarsdóttur þingmann að skoða málið á Alþingi. Bjarkey tók áskoruninni og vinna er nú þegar hafin. Mér skilst að helsta hindrunin sé úrræðaleysi verkalýðsfélaganna til að kanna laun annarra en þess sem kvartar, þess vegna þrífst þessi skítur. Þegar búið er að moka einum starfsmanninum út má gera slíkt hið sama við næsta sem gerir athugasemd. Gera þarf bragabót, þannig að fólk upplifi ekki ógnun ef það gerir athugasemd við launagreiðslur sínar. Nóg á að vera að einn launþegi kvarti og sú kvörtun kalli á launakönnun allra starfsmanna. Kannski þarf lagabreytingu til og ef það kemur í ljós vona ég að þingmenn, burtséð frá flokkum, taki höndum saman og taki á vandanum. Þingmenn, útvegið verkalýðsfélögunum verkfæri til að sinna málaflokknum betur en nú er gert.
Helga Dögg Sverrisdóttir
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
