Lukkupakkar og lifandi tónlist
Handverk unnið af dagþjónustugestum Hlíðar. Mynd JSF
Hægt var að kaupa fjölbreytt handverk sem er afrakstur vinnu þeirra sem sækja dagþjónustu og félagsstarf á Hlíð. Núverandi og fyrrverandi starfsfólk, ásamt aðilum frá ýmsum fyrirtækjum á Akureyri og nágrenni seldi þar einnig varning sinn. Var alls konar varningur til sölu sem ekki er hægt að telja allan upp en sem dæmi má nefna: Snyrtivörur, föndurvörur, skartgripi, dömu- og herrafatnað, ungbarnaföt, dúka, skó, mannbrodda, fjallagrös, marmelaði og handgert jólaskraut. Einnig var hægt að setjast og hafa það huggulegt á kaffihúsi, kaupa kaffi og jólasmákökur á vægu verði.
Markaðsdagurinn er árlegur viðburður sem starfsfólk iðju- og félagsstarfs á Hlíð ber hitann og þungan af en aðrir leggja einnig hönd á plóginn við undirbúninginn. Lukkupakkarnir eru orðnir fastur liður á markaðsdeginum. Fjöldi fyrirtækja í bænum hafa styrkt félagsstarfið með góðum gjöfum sem starfsfólk og íbúar pakka inn og númera.Fyrir nokkra hundraðkalla er hægt að kaupa númer sem síðan er parað saman við pakka með sama númeri. Svo er spennandi að sjá innihaldið! Magga Kristín Björnsdóttir, söngfugl og lukkupakkastjórnandi er starfsmaður í iðju- og félagsstarfi á Hlíð. Hún sagði að þetta árið hefðu verið útbúnir tæplega 300 lukkupakkar. Þeir seldust upp á um það bil 45 mínútum. Dæmi eru um að fólk komi og kaupi jólagjafir á þennan hátt. Markaðsdagur Hlíðar er án vafa búinn að festa sig í sessi sem fastur viðburður í aðdraganda jóla á Akureyri.
-Jóna Sigurlaug Friðriksdóttir
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.