Lóan skapar samstöðu og samtakamátt
Guðrún Þóra Hallgrímsdóttir, Sylvía Rún Hallgrímsdóttir, Ágerður Arnardóttir, Björk Siguróladóttir og Guðrún Kristinsdóttir. Myndir/Aðsendar.
Greinin birtist fyrst í prentútgáfu Vikublaðsins 23. október sl.
Samveru- og stuðningshópurinn Lóan var stofnaður í apríl á þessu ári á Húsavík. Hópurinn er fyrir þá sem greinst hafa með krabbamein og aðstandendur.
„Markmið hópsins er koma saman og fá fyrirlesara um ýmis mál er tengjast málefninu,“ segir Guðrún Kristinsdóttir, ein af stofnendum hópsins í samtali við Vikublaðið og bætir við að viðburðir hópsins hafi verið vel sóttir.
„Núna í bleikum október höfum við verið með ýmsa viðburði t.d. prjónahitting og hann verður svo annan mánudag í hverjum mánuði. Við verðum með göngu alla laugardaga í október auk þess sem við erum með opið hús annan hvern fimmtudag í Bjarnahúsi,“ segir Guðrún.
Þá kom Lóan að viðburði í Miðhvammi á Húsavík sunnudaginn 19. október í samvinnu með Krafti, félagi ungs fólks sem greinst hefur með krabbamein og aðstandendur.
„Það var perlað af krafti með Krafti, armbönd sem Kraftur selur til styrktar ungu fólki sem greinst hefur með krabbamein. Þessi viðburður var í Hvammi og mættu um 150 manns og perluðu 458 armbönd sem mun skila Krafti 1.5 milljónum, frábær árangur,“ segir Guðrún stolt.
Boðið var upp á veitingar á þessari fallegu samverustund en það voru Innes, Garðræktarfélag Reykhverfinga á Hveravöllum, Samkaup og Krabbameinsfélags Suður Þingeyinga sem gáfu veitingarnar.
„Við viljum færa öllum þessum aðilum þakkir fyrir stuðninginn,“ segir Guðrún og játar að mætingin á viðburðinn hafi farið langt framúr væntingum.
„Já, og við viljum þakka öllum þeim sem komu og tóku þátt, innilega fyrir ánægjulega og góða samveru,“ segir hún.
Í ágúst fóru Styrkleikarnir fram á Húsavík en viðburðurinn snýst um minnast þeirra sem hafa fallið frá vegna krabbameins, fagna þeim sem hafa sigrað baráttuna við krabbamein, safna fé til stuðnings rannsóknum og þjónustu við krabbameinssjúklinga og efla vitund og samstöðu í samfélaginu gegn krabbameini.
Gríðarlegur fjöldi fólks tók þátt í viðburðinum og gekk í sólarhring til stuðnings málstaðarins og segir Guðrún að þessa helgi í ágúst hafi myndast ótrúlega góð samstaða. „Markmið okkar hjá Lóunni er að halda í þá samstöðu og þann samtakamátt sem myndaðist á Styrkleikunum í ágúst. Stofna til viðburða og vettvang til að hittast og styrkja okkur í þeirri baráttu sem við etjum við krabbameinið,“ segir Guðrún að lokum.
Nýjast
-
Bókarkynning - Riðið í strauminn með Hermanni Árnasyni
Út er komin hjá Bókaútgáfunni Hólum bókin Með frelsi í faxins hvin – riðið í strauminn með Hermanni Árnasyni, sem Hjalti Jón Sveinsson hefur skráð. Allt hestafólk, hvar svo sem á landinu það býr, kannast við hestafrömuðinn Hermann Árnason á Hvolsvelli. Hann hefur stundað hestamennsku frá blautu barnsbeini og hafa tamning hrossa og meðferð þeirra, auk hestaferða, verið hugsjón hans alla tíð. Sum verkefni hans hafa verið hans eru með ólíkindum, eins og Vatnareiðin 2009 þegar hann reið, ásamt félögum sínum, yfir allar ár sem á vegi þeirra urðu frá Höfn í Hornafirði og vestur fyrir Hvítá í Árnessýslu. Að sjálfsögðu er sagt frá því ferðalagi í bókinni og einnig er fjallað Stjörnureiðina svokölluðu sem Hermann skipti í tvo 40 daga leiðangra, árin 2016 og 2018, og reið þá þvers og kruss yfir landið, á þann hátt að ferðirnar mynduðu orðið stjörnu þegar hann fór af hestbaki í lokin hennar. Þá segir frá Flosareiðinni 2016 þegar Hermann og tveir félagar hans riðu í spor Flosa í því skyni að sannreyna frásögn Njálssögu. Hér á eftir verður gripið niður í þá frásögn -
Vinnumálastofnun með viðveru á Húsavík
Vinnumálastofnun mun á næstu vikum hafa aukna viðveru á Húsavík. Starfsfólk þeirra mun hafa aðstöðu á Skrifstofu stéttarfélaganna, Garðarsbraut 26, venju samkvæmt. -
Norðurþing - Jólabærinn minn, viltu taka þátt?
Það verður sannkölluð jólastemming í Norðurþingi alla aðventuna! Fyrirtæki, íbúar og stofnanir eru hvött til standa fyrir viðburðum eða uppákomum til að koma íbúum, sem og gestum og gangandi, í jólaskapið. -
Sæfari siglir á ný
Sæfari hefur hafið siglingar á ný milli Dalvíkur og Grímseyjar eftir að hafa verið í slipp allan október vegna viðhalds. Fyrsta áætlunarferðin er í dag, með siglingu til Hríseyjar, og á morgun fer fyrsta ferðin til Grímseyjar eftir hléið. -
Þegar veikindi mæta vantrú
Það er fátt sem reynir meira á mann en að verða veikur, nema kannski að upplifa að manni sé ekki trúað. Þegar líkaminn bregst, en samfélagið virðist efast. Þegar fólk sem stendur í daglegu stríði við orkulítið líf og stöðug hjartsláttarónot finnur að kerfið sér það ekki. -
„Sofðu rótt í alla nótt“– Um stöðu íslenskunnar, lestrarmenningu og ákall til okkar sjálfra
Hvenær verður vandi að krísu? Að íslensk leikskólabörn séu æ oftar farin að spjalla sín á milli á ensku, telja á ensku, þekkja litina á ensku: Vandi eða krísa? Að nærri helmingur drengja geti ekki lesið sér til gagns: Vandi eða krísa? Að Ísland sé neðst Norðurlanda þegar kemur að lesskilningi nemenda, og að staðan sé sú að fá þátttökuríki PISA hafi lækkað jafnmikið frá síðustu aldamótum: Vandi eða krísa? -
Bakþankar bæjarfulltrúa - Afsakið kemst ekki á fundinn
Ég biðst afsökunar á því að komast ekki á fundinn núna á fimmtudaginn. Þar hefði ég sannarlega viljað vera og heyra álit ykkar á skipulagsmálum. Ekki síst þeirri þéttingarstefnu sem bæjaryfirvöld hafa sett á oddinn nú um alllangt skeið. -
Jóhannes Geir frá Öngulsstöðum hlaut viðurkenningu fyrir störf í þágu ferðaþjónustu
Jóhannes Geir Sigurgeirsson frá Öngulsstöðum í Eyjafjarðarsveit hlaut viðurkenningu fyrir störf í þágu ferðaþjónustu á uppskeruhátíð ferðaþjónustunnar á Norðurlandi sem haldin var í Skagafirði nýverið. -
Bágt ástand malarvega
Alvarlegt ástand malarvega í Þingeyjarsveit var til umræðu á fundi sveitarstjórnar á dögunum, en á þessu kjörtímabili hefur sveitarstjórn bókað þrisvar sinnum um bágt ástand þeirra.
