Lifandi Ráðhústorg
Páll Björnsson skrifar
Norðanátt og sólskin. Miðbærinn iðar af lífi. Eða hvað? Akureyringar vita að því er ekki þannig farið vegna þess að þar er fáa skjólsæla staði að finna. Eitt af markmiðum nýja skipulagsins, sem kynnt var fyrir fáeinum árum, var einmitt að búa til slíka staði með því að snúa miðbænum um 90 gráður. Þungamiðjan í því var að grafa síki þvert á Hafnarstrætið. Nú virðist þetta skipulag hafa verið lagt til hliðar, allavega tímabundið, einkum vegna mikils kostnaðar sem því hefði verið samfara.
Margir Akureyringar hafa lýst yfir áhuga sínum á því að gera Ráðhústorgið líflegra. Þannig tóku nokkrir sig til fyrir fáeinum árum síðan og tyrfðu hluta af því til að minna á að þar var gróðurreitur áður en það var steinlagt. Skiljanlega sjá margir möguleika í torginu. Það ætti auðvitað að vera nokkurs konar hjarta bæjarins. Tilfellið er að með einföldum aðgerðum mætti gera það að alvörutorgi.
Í fyrsta lagi þyrfti að ljúka við byggingu Landsbankahússins. Þar sem bankinn stendur var fyrirhugað að reisa ráðhús Akureyrar á sínum tíma en bærinn lét bankanum lóðina eftir. Húsið teiknaði Bárður Ísleifsson í klassískum stíl eftir frumdráttum Guðjóns Samúelssonar, húsameistara ríkisins. Auk þess að byggja við Landsbankahúsið þyrfti að reisa nýtt hús er myndi ná frá viðbyggingunni út að Strandgötu; húsið yrði m.ö.o. fyrir framan sjö hæða íbúðaturn sem þar stendur og myndi loka fyrir umferð inn á torgið frá Túngötu (sem liggur frá Arion banka að torginu). Engin ástæða er til að óttast þessar breytingar því að snjallir arkitektar geta vísast fundið lausn þar sem íbúðaturninn myndi áfram þjóna hlutverki sínu. Aðalatriðið er að hugmyndin sé útfærð í góðri samvinnu við bæjarbúa.
Með þessum nýbyggingum myndast gott skjól á Ráðhústorgi, auk þess sem svæðið fyrir framan þær mun vita vel við sólu. Jarðhæðir þeirra er því tilvalið að nota undir kaffihús og veitingastaði, eða aðra þá starfsemi sem gæti teygt sig út á torgið þegar til þess viðraði. Með þessum einföldu aðgerðum mætti gera Ráðhústorgið lifandi um leið og það yrði eitt af svipmeiri torgum landsins.
Höfundur er sagnfræðingur og dósent í nútímafræði við HA.
Nýjast
-
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.