Leikdómur - Bróðir minn Ljónshjarta, skemmtileg og falleg sýning
Eden B. Hróa í hlutverki Jónatans Ljónshjarta að senda skilaboð yfir í Kirsjuberjadal
Leikfélag Hörgdæla - Bróðir minn Ljónshjarta eftir Astrid Lindgren í þýðingu Þorleifs Haukssonar í leikgerð Evu Sköld.
Leikstjóri:Kolbrún Lilja Guðnadóttir
Tónlistarstjóri: Svavar Knútur
Framkvæmdarstjóri:Kristján Blær Sigurðsson
Aðstoðarframkvæmdarstjóri:María Björk Jónsdóttir
Leikmyndahönnuður:Hafrún Bylgja Guðmundsdóttir
Ljósahönnuður:Þórir Gunnar Valgeirsson
Bróðir minn Ljónshjarta er hugljúf saga af þeim bræðrum Snúð og Jónatan. Yngri bróðirinn Snúður er dauðvona en Jónatan reynir að hughreysta Snúð með því að segja honum að hann fari til Nangijala þegar hann deyr. Bræðurnir hittast þar mun fyrr en gert var ráð fyrir og þeir sjá fram á að allt verði dásamlegt í Kirsuberjadal, þangað sem þeir eru komnir. Það er þó ekki þannig því það er
svikari í Kirsuberjadal sem aðstoðar hinn grimma Þengil og hans
fólk, ásamt eldspúandi drekanum Kötlu sem eiga sitt aðsetur í Þyrnirósadal. Þau vilja ná völdum yfir öllu en bræðurnir hugrökku þurfa að berjast gegn þeim.
Alls eru 15 leikarar í sýningunni og fleiri tugir manns sem koma að sýningunni með einum eða öðrum hætti.
Leikrit Astrid Lindgren eru löngu þekkt og eiga þau trúlega mikinn sess í hjörtum okkar. Ég myndi halda að Emil í Kattholti og Lína Langsokkur væru þeirra þekktust en í mínum huga hefur þessi saga ansi mikla sérstöðu. Sérstaðan liggur að nokkru leiti í fegurðinni og sorginni en það er líka vegna þess að þessi saga er ekki sú auðveldasta í uppsetningu. Gæti það verið ástæðan fyrir því að leikritið er mun sjaldnar sett upp en t.d. Lína Langsokkur? Ég held það og þess vegna þótti mér í ansi mikið ráðist þegar ég heyrði af þessari uppsetningu.
En hvernig tekst að skapa ævintýraheim með fallegri sögu sem snertir hjörtu?
Það tekst mjög vel. Það er greinilega mikið lagt í uppsetninguna og gaman að sjá gamalreynda leikara hjá Leikfélagi Hörgdæla í bland við ný andlit. Í leikskrá segir frá því að mörg börn hafi komið í áheyrnarprufur og lúxusvandamál hafi orðið að velja úr hópi þeirra. Það sýnir sig því börnin í sýningunni fara afar vel með hlutverk sín. Þar á meðal er Katrín Birta Birkisdóttir sem leikur Snúð Ljónshjarta sem er aðalhlutverkið í sýningunni. Það er ansi stórt hlutverk og mikill texti sem þarf að skila. Katrín Birta skilar því vel og hefur útgeislun sem getur lýst upp allt heimsins myrkur. Ég hlakka til að fylgjast með henni í framtíðinni á leiksviðinu.
Eden Blær Hróa leikur Jónatan Ljónshjarta og gerir það mjög vel. Eden Blær hefur yfir 10 ára reynslu á leiksviðinu, þrátt fyrir að vera aðeins 21 árs. Það er eins og það gerist sjálfkrafa að reynslu - og aldursmunur verði að sannfærandi leik litla og stóra bróður. Margar senur þeirra eru innilegar og fallegar. Ég verð að nefna lokasenuna þeirra sem er gerð af mikilli næmni og fegurð.
Aðrir leikarar komast vel frá sínu. Þar á meðal eru Karen Ósk Kristjánsdóttir og Sigurður Viðarsson sem leika hina illu og vitlausu menn Þengils. Með þeirra hlutverkum kemur ansi skemmtilegur léttleiki og ekkert alltaf auðvelt að leika svona hlutverk sem þurfa að vera ýkt og heimskuleg. En þau gera það vel og krydda sýninguna. Mætti alveg halda áfram upptalningunni á leikurum en sjón er sögu ríkari. Það standa sig allir vel hvort sem það eru leikarar eða Kötlustjórinn Hólmfríður Lilja en Katla er ógnvekjandi dreki sem er ansi vel útfærður.
Það tekst ákaflega vel að búa til hughrif í sýningunni, hvort sem það er með leik, leikmynd, búningum, ljósum eða hljóðheim Svavars Knúts. Þá skal tekið fram að vel er að verki staðið að koma þeim hljóðheim til skila. Tæknilausnir að láta hljóðin til dæmis koma úr hinum ýmsu áttum. Já lausnirnar eru mikið fyrir auga og eyra. Og ég verð líka að nefna Þorstein Viðar Hannesson sem er málari og teiknari í sýningunni. Handverk hans er algjört augnakonfekt.
Í leikskrá sýningar er pistill frá formanni Leikfélags Hörgdæla, Fanneyju Valsdóttur en hún leikur einnig í sýningunni og gerir það óaðfinnanlega. Þar skrifar hún um það, hversu öflug áhugaleikfélögin á norðurlandi eru og gefa almenningi tækifæri á að taka þátt og upplifa. Þetta vil ég taka undir, hlutverk þessara félaga er mikið og hefur aukist á svæðinu; að setja upp leiksýningar fyrir almenning og fjölskylduna. Án þeirra væri ekki mikið um slíkt.
Að lokum er vert að geta þess að svona leikdóma er hægt að skrifa alls konar. Á að horfa á gæði, lausnir eða upplifun? Upplifun getur verið margskonar og getur oft stjórnast af skapi eða aðstæðum þeirra sem skrifa.
Ég var svo heppinn að fá aðstoðar”dómara” með mér á sýninguna. Það voru Emilía Ósk og Haukur Heiðar Birkisbörn sem komu með afa til að sjá og upplifa. Þeirra upplifun átti að vera mikill mælikvarði á það, hversu góða umsögn þessi sýning fengi. Eftir sýningu voru þau mjög glöð og mikið spjallað í bílnum á leiðinni heim. Sagan náði til þeirra, þeim fannst hún falleg og skemmtileg. Gaman fyrir þau líka að sjá leikara á þeirra aldri á sviðinu standa sig svona vel. Þau nefndu líka að rýmið væri vel nýtt, þ.e. leikið inni í sal líka, sem þeim þótti skemmtilegt.
Við þrjú mælum heilshugar með því að fara á þessa sýningu.
Hún er skemmtileg og falleg fyrir börnin. Afi gamli var líka hrifinn og komst við.
Til hamingju Leikfélag Hörgdæla.
Pétur Guðjónsson, Emilía Ósk og Haukur Heiðar
Nýjast
-
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss. -
Nýta jarðvarma til framleiðslu á ofurfæðu úr smáþörungum
Mýsköpun er framsækið nýsköpunarfyrirtæki -
Hætt við að hætta við
Bæjarráð Akureyrar hefur fallið frá tillögu sem fram kom um að halda ekki Listasumar á Akureyri að þessu sumri. Tillagan snérist um að í tilraunaskyni yrði ekki Listasumar í ár en fjárveiting sem ætluð væri til hátíðarinnar rynni þess í stað til Akureyrarvöku.
Athugasemdir