Leiga fyrir afnot af skólum vegna íþróttamóta of há
Jóhannes segist hafa tekið þessa umræðu fyrst upp í tengslum við umræðu um stefnumótun varðandi íþróttamál, en enn sem komið er hafi ekki neitt gerst í þessum efnum. Hann nefnir sem dæmi um háa leigu, að í tengslum við N1 mótið í fótbolta sem KA efnir til árlega, hafi félagið greitt um 650 þúsund krónur í leigu vegna afnota af tveimur grunnskólum, Lundarskóla og Brekkuskóla. Við þá upphæð bætist kostnaður við þrif og fleira, þannig að þegar upp er staðið fari kostnaður upp undir eina milljón króna. Sama gildi um Íþróttafélagið Þór sem efnir til svonefndra Goðamóta árlega og hafi greitt um hálfa milljón króna í leigu fyrir afnot af Glerárskóla fyrir gesti mótsins. Félögin séu m.a. að reyna að fjármagna starfsemi sína með því að efna til mótanna. Þá sé óumdeilt að þau hafi jákvæð áhrif á keppendur og eins hafi menn bent á að þau hafi mikla þýðingu fyrir ferðaþjónustu og atvinnulíf í bænum, en gríðarlegur fjöldi fólks sækir umrædd íþróttamót. „Menn lofa og prísa menningar- og íþróttatengda ferðaþjónustu, en svo er í leiðinni verið að skattpína íþróttafélögin sem að þeim standa," segir Jóhannes.
Hann bendir á að víða annars staðar, m.a. í Vestmannaeyjum, Reykjavík og Kópavogi sé litið svo á að framlag sveitarstjórnar til íþróttamóta af þessu tagi sé að lána mannvirki sín, skólana fyrir gesti mótanna. Engin greiðsla komi fyrir. „Ég skil vel að bærinn rukki leigu fyrir þessi afnot. Ég er að vekja athygli á því að þessi leiga er alltof há. Að mínu mati er brýnt að hún verði lækkuð," segir Jóhannes og væntir þess að málið verði tekið upp við endurskoðun á stefnumótum bæjarins í íþróttamálum.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.