Kynningarfundir um sameiningu Arnarneshrepps og Hörgárbyggðar

09. mars, 2010 - 15:16 Fréttir
Kynningarfundir um sameiningu Arnarneshrepps og Hörgárbyggðar
Með því að sameina sveitarfélögin Arnarneshrepp og Hörgárbyggð má bæta þjónustu við íbúa og atvinnulífið, m.a. með tímabundnum framlögum úr jöfnunarsjóði sveitarfélaga, með sparnaði sem hlýst af hagræðingu í yfirstjórn og með varanlegri hækkun sem verður á ákveðnum framlögum Jöfnunarsjóðs við sameiningu sveitarfélaga.  „Þeim fjármunum sem þannig skapast yrði varið til að efla atvinnulífið og styrkja almenna þjónustu við íbúana."  

Sameining til sóknar; er heiti á bæklingi sem dreift hefur verið inn á öll heimili í Arnarneshreppi og Hörgárbyggð, en í honum er m.a. að finna málefnaskrá, áhersluatriði og hugleiðingar vegna kosninga um sameiningu hreppanna tveggja 20. mars nk.  Kynningarfundir um sameininguna verða haldnir í Hlíðarbæ í þessari viku, á miðvikudag- og fimmtudagskvöld kl. 20.30 þar sem Kristján L. Möller ráðherra samgöngu- og sveitarstjórnarmála verður gestur.

Gert er ráð fyrir að í hreppsnefnd sameinaðs sveitarfélags verði fimm fulltrúar og að skrifstofu þess verði fundin staður sem uppfyllir kröfur varðandi aðgengi og þjónustu. Þá verður þjónustumiðstöð komið fyrir á Hjalteyri þar sem verður starfsmaður sem hefur m.a. með umsjón og umsýslu eigna sveitarfélagsins að gera.  Þess er vænst að framlag fáist úr Jöfunarsjóði til að standa straum af þeim aukna kostnaði sem sú starfsemi hefur í för með sér. 

Fram kemur að sameinað sveitarfélag muni hafa það að markmiði að styrkja grunngerð atvinnulífsins og skapa umhverfi sem auðveldar núverandi og nýjum fyrirtækjum brautargengi.  Öflugur landbúnaður verður áfram í öndvegi innan sameinaðs sveitarfélags, en nýjungar á því sviði hafa verið að ryðja sér til rúms sem taldar eru styrkja stöðu greinarinnar enn frekar.  Þá líta menn til möguleika ferðaþjónustunnar, m.a. í tengslum við menningarsögulega staði.  Sjávarútvegur hefur ekki verið fyrirferðamikill innan sveitarfélaganna, en horft er til bættra sjóvarna á Hjalteyri sem skapa hugsanlega forsendur fyrir útgerð þaðan á ný auk vinnslu sjávarafurða.  Hvað aðra atvinnustarfsemi varðar bera hæst þær hugmyndir að nýta iðnaðarlóð við Dysnes undir mannaflafreka starfsemi og þá er stefnt að því að hraða sem kostur er könnun á virkjun jarðhita í Hörgárdal og Öxnadal.

Til baka

Nýjast

  • Gamla verslunin í Vaglaskógi jöfnuð við jörðu

    • 17.05.2025
    „Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“

  • Hamrastígur og Kirkjugarðsstígur Finnur ehf bauð lægst í stígagerðina

    • 17.05.2025
    Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.

  • Alþjóðaflugvöllur á Akureyri verði byggður upp

    • 16.05.2025
    Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands

  • Grafalvarleg staða í rekstri PCC Bakka rædd í atvinnuveganefnd Alþingis.

    • 16.05.2025
    Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.

  • Listasafnið á Akureyri Nýjar sýningar opnaðar

    • 16.05.2025
    Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.

  • Orkey fyrst á Íslandi með sjálfbærni- vottaða framleiðslu á lífeldsneyti

    • 16.05.2025
    Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.

  • Heyrn er ekki munaður – hún er þátttaka

    • 16.05.2025
    Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  
Sjá meira