Kynning á fjarnámi við Háskólann á Akureyri
Fjallað verður um framboð og fyrirkomulag fjarnáms við HA og eru allir hvattir til að mæta sem hafa áhuga á háskólanámi og fjarnámi. Fjarnámið fer fram í gegnum vefinn og með myndfundum en að auki eru tölvusamskiptamiðlar nýttir til hins ýtrasta. Vanda þarf valið þegar kemur að því að velja sér háskóla og háskólanám. Það er mikilvægt að námsskipulag sé fjölbreytt og stuðli að því að fólk geti aflað sér menntunnar óháð búsetu, fjölskyldustærð og öðrum aðstæðum. Staðarnám hentar sumum, fjarnám öðrum og sambland hvoru tveggja öðrum, segir í tilkynningu frá HA.
Það fjarnám sem er í boði hjá Háskólanum á Akureyri er:
- B.S. nám í iðjuþjálfunarfræði
- B.S. nám í hjúkrunarfræði
- B.Ed. nám í kennarafræðum (leik- og grunnskólastig)
- B.S. nám í líftækni
- B.S. nám í sjávarútvegsfræði
- B.S. nám í umhverfis- og orkufræði
- B.S. nám í viðskiptafræði
Háskólinn á Akureyri hefur verið leiðandi í uppbyggingu fjarnáms og spilað stórt hlutverk í að mennta fólk óháð búsetu og öðrum aðstæðum sem geta staðið í vegi fyrir staðarnámi. Í dag er kennt til yfir 20 staða á landinu og óhætt er að segja að þannig leggi Háskólinn á Akureyri sinn skerf til aukins jafnréttis til náms á Íslandi. Nánari upplýsingar um námið má finna á heimasíðu háskólans, www.unak.is.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.