Kristján syngur í Háskólabíói í nóvember
Það er Kammersveit Hjörleifs Valssonar, sem skipuð er framúrskarandi hljóðfæraleikurum, úr Sinfóníuhljómsveit Íslands, meðal annars, sem leikur undir. Á efnisskrá tónleikanna eru óperuaríur, óperudúettar sem og þekktar söngperlur. Til stóð að tónleikarnir yrðu á Akureyri í byrjun desember en þeir hafa nú verið færðir til páska og verða nánar auglýstir síðar. Það er því um að gera að skella sér suður fyrir jólin og hlýða á Kristján og félaga á frábærum tónleikum í Háskólabíó, segir í fréttatilkynningu. Þrjátíu ár eru nú liðin frá því að Kristján söng sitt fyrsta hlutverk í óperu en hann debúteraði sem Rodolfo í La Boheme í Aosta á Ítalíu. Ferill Kristjáns Jóhannssonar er fyrir margra hluta sakir stórmerkilegur. Hann er ekki aðalsmaður sem fæddist inn í óperuheiminn með þá vissu að hans biði ferill sem lýrískur tenór. Hann er kominn af tónelskri alþýðufjölskyldu þar sem íslensk sönghefð á djúpar rætur og var orðinn tvítugur þegar hann hóf tónlistarnám af fullum krafti. Undir leiðsögn Sigurðar Demetz og fleiri góðra manna óx Kristján sem söngvari og á endanum kaus hann að freista gæfunnar og hélt utan til frekari náms og landvinninga. Þess var heldur ekki lengi að bíða að Akureyringurinn ungi fór að vekja mikla athygli hinum alþjóðlega óperuheimi þar sem hann stendur nú föstum fótum sem einn hinna stóru. Þess má geta að í bókinni 100 Greatest Opera Singers, sem gefin er út af Mondadori forlaginu í Róm, var Kristján nefndur sem ein hinna tíu bestu í heiminum, og talin, auk Placido Domingo og Mario Del Monaco, besti Óþelló sögunnar.
Það er of langt mál að telja upp afrek Kristjáns í óperu- og tónlistarhúsum um víða veröld, sigrar hans og viðtökur gagnrýnenda hafa yfirleitt verið á eina lund, hvort heldur sem er í Metropolitan óperunni, á Scala í Covent Garden eða í Carnegie Hall. En nú er Kristján Jóhannsson kominn aftur heim og mun dvelja hér næstu tvö árin. Á þeim tíma munu margir njóta starfskrafta hans, en Kristján kennir um þessar mundir í söngskóla Sigurðar Demetz og hefur haldið masterclassa í Söngskólanum í Reykjavík fyrir næstu kynslóð söngvara. Kristján á þá ósk heitasta að koma fleiri Íslendingum á framfæri og sjá þá ná árangri á alþjóðlegum vettvangi óperuheimsins.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.