Kostnaður við eldsneytiskaup gæti lækkað um 12 milljónir króna
Aukin slysahætta fylgir ferðum um Víkurskarð, hér er einn af tankbílum MS-Akureyri sem valt í skarðinu austanmegin í fyrravetur.
Vaðlaheiðagöng stytta leiðina frá Akureyri yfir í Fnjóskadal um 15,5 kílómetra. Mjólkurbílar frá MS-Akureyri fara rúmlega 30 ferðir í viku yfir Víkurskarð. Með tilkomu ganganna myndi fyrirtækið spara frá 9 til 12 milljónir króna árlega í eldsneytiskostnað Þetta kom fram í máli Sigurðar Rúnars Friðjónssonar mjólkurbússtjóra hjá MS Akureyri á fundi Samtaka atvinnurekenda sem haldinn var nýlega. Mjólkursamsalan er með stærstu flutningsaðilum hér á landi en er öll mjólk er sótt til framleiðenda hvar á landinu sem er á sérútbúnum tankbílum. Að auki dreifir fyrirtækið vörum sínum til viðskiptavina, en kaupir einnig þjónustu frá verktökum. Sigurður Rúnar segir að fyrirtækið hafi náð ágætis árangri í rekstri bílflotans þrátt fyrir þrengingar undanfarinna ára, tækjakosturinn hafi stækkað og aðlagast þeim verkefnum sem sinnt er. Eins hafi leiðir verið sameinaðar og gripið til fleiri ráðstafana til að ná fram hagræðingu.
Sigurður Rúnar segir að með tilkomu Vaðlaheiðaganga gæti fyrirtækið náð enn meiri sparnaði í rekstri, en tankabílar á vegum MS Akureyri fara rúmlega 30 ferðir á viku yfir Víkurskarð. Sparnaður í eknum kílómetrum nemur allt að 30 þúsund kílómetrum á ári og í peningum talið getur hann numið allt að 12 milljónum króna á ári.
Olíukostnaður er mikill, á Vikurskarði þarf að fara um brattar brekkur sem hefur í för með sér meiri brennslu á olíu og einnig meira slit á bílum en í venjulegum akstri, segir Sigurður Rúnar. Hann nefnir líka að oft verði tafir vegna veðurs og af þeim hljótist umtalsverður aukakostnaður sem og óþægindi, en krafa nútímans sé hraði og öryggi þjónustunnar. Þá fylgi aukin slysahætta ferðum um Víkurskarð einkum að vetrarlagi.
Nýjast
-
Samorkuþing fjölmenn ráðstefna í orku- og veitumálum hefst á Akureyri á fimmtudaginn
Samorkuþing verður sett kl. 9.30 í Hofi n.k. fimmtudag. Þingið er haldið á þriggja ára fresti á Akureyri og hefur aðsóknin aldrei verið meiri en í ár. Óhætt er að segja að Akureyri verði undirlögð af starfsfólki orku- og veitufyrirtækja um allt land, en 620 manns eru skráð til leiks á þingið. -
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori