Kostir þess að rata ekki
Brynhildur Þórarinsdóttir.
Brynhildur Þórarinsdóttir heldur um áskorendapennan að þessu sinni.
Ég rata ekki neitt. Það hefur ótal kosti í för með sér. Ég kynntist manni í Stokkhólmi þegar ég dvaldi þar í mánuð við að skrifa bók. Við hittumst í veislu, ætluðum að fara á bar en ég fann ekki neina bari í hverfinu mínu svo við neyddumst til að fara heim í drykk. Samt bjó ég í 101-Stokkhólmi þar sem voru barir á hverju strái.
Ég fór með þessum manni í ferðalag út í sænska sveit. Við fórum í göngutúr í skóginum. Eftir tveggja klukkutíma ráf áttaði ég mig á því að ég hafði fundið mann sem var jafn villugjarn og ég. Hann bjó í Ameríku og þangað lá leiðin. Við fórum í amerískan bíltúr, þeir eru mjög langir, áttum bókaða gistingu við Michigan vatn, þremur fylkjum frá okkur. Michigan vatn er mjög stórt, stærra en Slóvakía. Við ókum hring eftir hring en fundum ekki vatnið, enduðum á að berja dyra á vegamóteli þegar myrkrið hvolfdist yfir. Í dagsbirtu hefðum við aldrei beðist gistingar á þessu móteli. Nú á ég efni í sögu sem barnabókahöfundur getur ekki sent frá sér.
Þarna var fyrsta stórákvörðun sambands okkar tekin. Annað okkar yrði að þjálfa upp ratvísi. Ég sagði pass. Nú stúderar hann kort og skipuleggur ferðir, vitandi það að konan hans mun aldrei gera það. Þetta er fullkomið fyrirkomulag. Ég ferðast án ábyrgðar, hann veit hvar við eigum að beygja og hvar við munum enda. Ég hef enga yfirsýn. Ég tek eftir skrýtinni hundastyttu í glugga á þriðju hæð í grænu húsi með útskornum þakkanti, en ég tek ekki eftir því hvað gatan heitir eða hvernig hún liggur. Ég verð alltaf jafnhissa þegar við endum þar sem við ætluðum okkur.
Ef ég hefði ratað á bargöturnar á Södermalm hefði þessi saga endað öðruvísi. Hún endar þannig að við giftumst og fluttum til Akureyrar. Hér höfum við búið í 15 ár. Ég rata enn ekki neitt í bænum. Börnin mín hafa aldrei farið í jólasveinabrekkuna af því að ég rata ekki þangað. Ég tek reglulega aukahring þegar ég þarf að fara í Bogann. Síðuskóla finn ég bókstaflega aldrei í fyrstu tilraun þó að dóttir mín æfi handbolta þar. Ég fór í Giljaskóla um daginn að lesa upp úr nýjustu bókinni minni og villtist á göngunum á leiðinni út. Giljaskóli er ekkert kræklóttari en aðrir skólar, ég var í lestrarferð í Reykjavík vikuna áður og villtist þá í Seljaskóla. Þurfti að senda bókasafnskonunni mynd af því hvar ég var stödd svo hún gæti komið og bjargað mér. Þess vegna er ég alltaf með síma á mér. Google maps var hannað fyrir fólk eins og mig. Þegar fólk talar um símalausar gönguferðir líður mér eins og Hans og Grétu þegar vonda stjúpan sendi þau út í skóg. Ég er líka alltaf með brauðsneið og steinvölur í vasanum til öryggis.
Sumir vita alltaf hvert þeir ætla að fara og hvernig þeir ætla að komast þangað. Ég er ekki ein af þeim. Ég veit stundum hvert ég ætla, sjaldan hvernig ég kemst þangað og enda yfirleitt á allt öðrum stað, að minnsta kosti um stundarsakir. Ferðalagið kemur því stöðugt á óvart og það gerir það einmitt svo skemmtilegt. Það er svo upplífgandi að undrast.
Ég skora á Urði Snædal skáld og vínbúðarkonu að koma með pistil í næsta blað.
-Brynhildur Þórarinsdóttir.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir