Kenning um vel gifta karla
Gauti Einarsson heldur um áskorendapennan að þessu sinni.
Þegar ég stundaði nám í lyfjafræði var ég einhverjar frímínúturnar að gæða mér á roastbeefsamloku þegar ég heyrði einn samnemanda minn segja að Guðrún bekkjarsystir okkar væri gengin nokkra daga fram yfir. Er Guðrún ólétt? spurði ég á móti og kom alveg af fjöllum. Tvöföldum tíma í eðlislyfjafræði strax á eftir eyddi ég svo í að mæla út hana Guðrúnu en það var alveg sama frá hvaða sjónarhorni ég mændi á hana, mér fannst hún alltaf eins og nagað hundsbein. Í lok tímans rann allt í einu upp fyrir mér að það voru tvær stúlkur með mér í bekk sem gengdu nafninu Guðrún. Þá varð mér litið á Guðrúnu hina síðari er hún kom kjagandi inn í skólastofuna í þriðja skiptið þennan tímann af klósettinu og það leyndi sér nú ekki að hún var með a.m.k. einu barni. Þetta hafði alveg farið framhjá mér undangengna níu mánuði með henni í skólanum upp á hvern virkan dag, en mér til varnar átti ég svo sem heldur enga aðild að málinu.
15 árum síðar sótti ég elsta son minn í skólaferðalag í Skagafirði. Keyrði með hann til Reykjavíkur, horfði á hann á landsliðsæfingu og fór með honum út að borða á eftir. Þá kviknaði skyndilega á perunni og ég spurði: ertu búinn að lita á þér hárið? Pabbi, ég er orðinn rauðhærður, svaraði drengurinn sem hafði litað á sér hárið í einhverju flippi.
Ég var búinn að vera málkunnugur manni í tæpan áratug þegar ég komst að því eftir ábendingu frá þriðja aðila að viðkomandi væri albínói. Því hafði ég ekki tekið eftir enda hefði sú vitneskja heldur ekki skipt miklu fyrir okkar samskipti.
Skömmu eftir að við hjónin vorum búin að skipta um bíl var ég að keyra Þingvallarstrætið þegar ég mætti konunni minni undir stýri. Ég sá hana reyndar ekki glöggt en þekkti nýja bílinn okkar svo ég heilsaði henni glaðlega. Áttaði mig svo á því að ég var sjálfur að keyra bílinn nýja og konan mín sat við hliðina á mér.
Eitt sinn hringdi móðir mín í mig í apótekið að sumarlagi og bað mig um að skutla einhverju til sín. Það var nokkuð brýnt að hún fengi þetta samdægurs svo ég keypti vöruna og stakk henni í annan skóinn minn svo ég myndi nú örugglega muna eftir því að koma þessu til skila að vinnu lokinni. En svo labbaði ég til hennar á inniskónum og gleymdi þar af leiðandi vörunni mikilvægu.
Nýverið þurfti ég svo að senda frá mér áríðandi pappíra úr vinnunni en sendi fyrir mistök uppskrift að heimagerðu remúlaði sem starfsmaður minn hafði verið að prenta út um svipað leiti. Þetta fór frá mér í ábyrgðarpósti en þó ekki fyrr en ég hafði stimplað með merki apóteksins og ritað undir neðanmáls.
Nokkrum dögum síðar barst mér reyndar bréf í ábyrgðarpósti. Þar var komin uppskriftin af heimagerða remúlaðinu en búið að bæta við einni teskeið af capers. Stimplað og undirritað Víglundur.
Svona gæti ég talið endalaust upp. Samt er ég ekki greindur með athyglisbrest. Mér hefur alltaf gengið ágætlega að læra, á auðvelt með að einbeita mér við veiðar og við vinnu - a.m.k. á meðan ég hef ekki annan til að stóla á. Og þá kemur kenningin sem ég heyrði fyrst í morgun hjá tveimur samstarfskonum mínum: Vel giftir karlar eiga erfiðara með að einbeita sér en aðrir. Um leið og það er kona til staðar sem er skipulögð, dugleg og drífandi fer karlinn í einskonar "safe mode", vilja þær meina. Skv. þessari kenningu er ég búinn að líða áfram á lágmarksafli í bráðum 30 ár.
-Gauti Einarsson
Ég skora á Brynhildi Þórarinsdóttur í að koma með pistil í næsta blað.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir