Kennarar HA undrast ójafnræði
Félag háskólakennara á Akureyri hefur sent frá sér yfirlýsingu þar sem lýst er yfir undrun á þeim áformum fjárlaganefndar Alþingis að verja hlutfallslega miklu minna fé til Háskólans á Akureyri en annarra háskóla í landinu vegna úthlutunar aukinna framlaga til háskóla. Af 617 milljónum sem ríkið veitir aukalega til háskóla í fjárlögum næsta árs fær Háskóli Íslands tæplega 300 milljónir og Háskólinn í Reykjavík um 250 milljónir. HA fær aðeins tíu milljónir þrátt fyrir að vera þriðji stærsti skóli landsins, en restin af fjárveitingunni dreifist á aðra skóla.
"Við skorum á nefndina að breyta þessu. Við förum fram á að jafnræðis sé gætt og að fjárveitingar til HA verði í réttu hlutfalli við nemendafjölda og umsvif skólans miðað við aðra háskóla. Skólinn hefur sýnt aðhald í rekstri og haldið útgjöldum innan fjárveitinga mörg undanfarin ár. Hann hefur greitt upp skuldahala við ríkissjóð. Starfsfólk skólans lagði sitt af mörkum á erfiðum tímum með því að gangast undir skerðingu launa og réttinda. Rannsóknarmisseri kennara urðu fyrst á þessu ári aftur veruleiki eftir hrun. Óvíst er að hægt verði halda áfram með þau eins og dæmið lítur út núna.
Á sama tíma hefur hvergi verið slakað á faglegum kröfum og skólinn fengið góða umsögn í viðamikilli gæðaúttekt erlendra sérfræðinga á vegum stjórnvalda fyrr á þessu ári. Hlutur HA í boðaðri viðbótarfjárveitingu er í engu samræmi við hlutfallslegan nemendafjölda eða umfang skólastarfsins hér miðað við aðra háskóla. Við lýsum undrun okkar á að fjárveitingavaldið skuli ekki gæta meira jafnræðis þegar svigrúm hefur skapast til þess að auka framlög til háskólamenntunar í landinu. Við skorum á fjárlaganefnd að taka þessi áform til endurskoðunar og hækka framlagið til Háskólans á Akureyri," segir í yfirlýsingu FHA.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
