Kallinn minn!
Ásgeir Ólafsson skrifar
Mér var boðið í veislu um daginn þar sem ég hitti fyrir aðila sem sagði fyrir framan okkur öll sem þar voru , að hann myndi allt sem fyrir hann hafði verið lagt í gegnum tíðina. Hann sagði okkur stoltur frá því að hann væri með límheila og að hann hafi hagnast á þessu oft í vinnu sinni sem og annarsstaðar.
Ég var ekki lengi að líma mig á hann og spyrja hann út í þessa náðargáfu sem hann sagðist hafa og settist ég hjá honum. Ég var mjög forvitinn enda er ég svipaður og hann er þegar kemur að númerum .alls kyns númerum. Ég man símanúmer og jafnvel WEP númer. En það eru númerin sem eru aftaná ráterum sem færa okkur internetið þráðlaust. Þegar ég hafði svo setið með honum í nokkrar mínútur, stóð hann móðgaður upp úr stólnum sínum og gekk fram á gang og gaf sig á tal við annað fólk. Hann vildi ekkert meira við mig tala einhverra hluta vegna. Ég vissi alveg af hverju og brosti.
Þessi aðili staðfesti það að hann myndi allt, og allt sem fyrir hann væri lagt. Mikilvægari hluti og minna mikilvæga. Allt! Svokallaðir límheilar geta verið duglegir í skóla vegna þess að þeir eru gæddir þessum kostum, að eiga auðvelt með að muna meðan aðrir þurfa að leggja á sig meiri vinnu og þjálfa þannig heilann í þeirri list að muna.
Þú ert límheili? spurði ég hann. Hann sagði jú, ég er það og glotti. Og þú manst allt , merkilegt og ómerkilegt?, spurði ég aftur. Já, sagði hann,stoltur svo að það skein í tennurnar, svo hélt hann áfram, Það er bara ekki hægt að reka hluti ofan í mig, það bara þannig og var ég þá farinn að skynja það að hann væri pínu hrokagikkur. Ég ákvað að nýta mér það.
Áttu konu, spurði ég. Já, sömu konuna í tuttugu ár kallinn minn, og við eigum þrjú yndislega falleg börn saman sagði hann. Til hamingju var mótsvar mitt með hlýju brosi til hans. En hvar búið þið, spurði ég ekkert sérlega áhugasamur. Við búum í einbýli í Grafarvoginum kallinn minn, og höfum búið þar í tíu ár eða svo, og okkur líkar vel, við keyrum um á Range Rover 2001 og Focus 2005, og búin að eiga þá bíla lengi bætir hann við. Svo lítur hann á mig og spyr Hvaða spurningar eru þetta eiginlega er þetta ekki partý maður?, og brosir.
Um það bil mínútu síðar stóð hann upp og ég sá hann ekki meira það kvöld. Síðasta spurningin sem ég lagði fyrir hann varð til þess að hann stóð upp og gekk í burtu með núll stig. Límheilinn sjálfur gat ekki svarað því sem fyrir honum er, á hverjum degi, alla daga, allt árið. Það fer hrokafullum einstaklingum greinilega illa að vera límheilar, allavega í þetta skiptið og þeir ættu að spara það að nota það orð í samkvæmi þar sem menn eins og ég gætum leynst.
Þetta eru spurningarnar sem hann spreytti sig á.
Hver er fatastærð maka þíns og barna?
Hvorum megin í mælaborðinu á bílunum þínum tveimur er bensínmælirinn?
Hvernig er göfflum, hnífum og skeiðum raðað í hnífaparaskúffuna heima hjá þér?
Hver er augnlitur barna þinna?
Hvernig eru nærbuxurnar sem þú ert í núna á litinn?
Vonandi ertu ekki hrokafullur límheili, en ef svo er. Komd´í partý!
Höfundur er dagskrárgerðarmaður og þjálfari.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.