Kallar eftir úrræðum að loknu fæðingarorlofi
Hafrún Olgeirsdóttir fulltrúi E-lista í sveitarstjórn Norðurþings vakti máls á því á fundi sveitarstjórnar að sú staða væri komin upp á leikskólanum Grænuvöllum
að ekki væri að takast að tryggja öllum börnum sem hafa náð eins árs aldri leikskólavist. Þá er ekkert annað úrræði í boði á vegum sveitarfélagsins til að brúa bilið að loknu fæðingarorlofi.
„Legg ég til að fjölskylduráð muni á fundi sínum í maí, í samráði við fræðslufulltrúa og leikskólastjóra, skoða alla þá möguleika sem í boði eru til að tryggja einhverskonar úrræði á vegum sveitarfélagsins að loknu fæðingarorlofi. Þau úrræði geta til dæmis verið sérstök ungbarnadeild á leikskólanum, dagmömmur, heimgreiðslur til foreldra eða fastur fjöldi aðlaganna á ári sem tryggir öllum börnum yngri en 15/16 mánaða pláss. Markmiðið ætti að vera meiri fyrirsjáanleiki sem tryggir betur samspil fjölskyldu- og atvinnulífs,“ segir í tillögu Hafrúnar sem var samþykkt á fundinum.
Í málefnasamningi meirihlutans í sveitarstjórn Norðurþings stendur: „Tryggja úrræði fyrir börn eftir að fæðingarorlofi foreldra lýkur og halda okkur við að inntökualdur leikskólabarna í Norðurþingi verði 12 mánuðir.“
Vikublaðið hafði samband við Kolbrúnu Ödu Gunnarsdóttur forseta sveitarstjórnar og spurði hvers vegna biðlistar væru nú að myndast á Grænuvöllum.
„Á Húsavík er þjónustustigið í leikskólanum mjög hátt miðað við flest sveitarfélög t.d. með því að hafa aðlögun 2-4 sinnum á ári. Það myndast sjaldan biðlisti og þegar það gerist hefur hann aldrei verið lengri en 4 mánuðir,“ segir Kolbrún í skriflegu svari.
Hún segir jafnframt að sem stendur sé eitt barn fætt í febrúar á biðlista. Önnur þrjú börn fædd í mars, apríl og maí fari á biðlista þegar þau verða eins árs. „Þessi fjögur börn þurfa að bíða aðlögunar í ágúst,“ segir hún og bætir við að ekki þyki skynsamlegt að aðlaga á sumarleyfistíma.
„Fjórar aðlaganir samtals 30 barna hafa farið fram á skólaárinu og starfsfólk leikskólans búið að hagræða og raða inn á deildir eins og það telur skynsamlegt til þess að koma sem flestum börnum inn á þessu skólaári.
Eftir ágúst þegar búið er að aðlaga stóran hóp barna er biðlistinn skoðaður í íbúagáttinni og reynt að átta sig á hver þörfin er mest næst, þ.e. hvenær við kæmum sem flestum börnum inn í aðlögun. Sumir kjósa að koma börnunum að strax en aðrir vilja bíða. Þegar þau eru svona lítil telur hvert barn svo mikið upp á starfsmannahald (fjárhag), pláss og skipulag deilda og starfsmannahalds að gera,“ segir Kolbrún Ada.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir