Kæra framsóknarfólk
Fyrir tæpu ári, í aðdraganda sveitarstjórnarkosninga, setti oddviti Framsóknarflokksins í Reykjavík fram þá pólitísku skoðun að afturkalla ætti lóðaúthlutun til trúfélags múslima og sagði jafnframt að ekki ætti að úthluta lóðum til annarra trúfélaga en þjóðkirkjunnar til byggingar guðshúsa. Málflutningnum var augljóslega ætlað að sækja atkvæði til þeirra sem ekki hugnast að múslimar, eða jafnvel innflytjendur almennt, hafi sama frelsi og heimamenn til að iðka trú sína og menningu.
Þetta útspil vakti mikinn óróa hjá mörgum sem áhuga hafa og skoðanir á samfélagsmálum, innan og utan pólitísks flokksstarfs. Gagnrýnt var að forysta Framsóknarflokksins brygðist ekki nægilega skarpt við þessum yfirlýsingum og bent á að lítið heyrðist frá almennu flokksfólki, þó að auðvitað væru undantekningar þar á.
Síðan hefur heilmikið vatn runnið til sjávar en þróunin virðist vera svipuð um mestalla Evrópu; þjóðernissinnuðum öfgaöflum vex fiskur um hrygg. Við Íslendingar höfum enn sem komið er borið gæfu til að kjósa ekki slíka flokka til valda. Hins vegar verðum við vör við aukna hörku í umræðu um trúmál og málefni innflytjenda, þar sem hreinir og beinir kynþáttahatarar fá mun meira vægi í fjölmiðlum og almennri umræðu en áður.
Ástæða þess að ég beini máli mínu sérstaklega til félaga í Framsóknarflokknum er sú að ég tel ykkur vera útvörð samfélags okkar gagnvart þjóðernissinnuðum öfgaöflum og í raun eruð þið helsta von okkar um að geta hrundið þessari atlögu kynþáttahatara að samfélaginu. Ef þið leyfið þessum öflum að taka yfir flokkinn ykkar hafið þið auðveldað þeim að ná markmiðum sínum. Ef þau ná að búa um sig í ykkar flokki þurfa þau ekki að stofna sinn eigin flokk og með því verður leið þeirra til valda greiðari.
Slæmir hlutir gerast þegar gott fólk gerir ekki neitt.
-Sóley Björk Stefánsdóttir, höfundur er oddviti Vinstri græna á Akureyri.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
