KA steinlá gegn Fjölni á heimavelli
Fjölnismenn byrjuðu leikinn með látum og það tók þá um sex og hálfa mínútu að skora fyrsta markið. Gestirnir fengu þá dæmda aukaspyrnu rétt utan vítateigs vinstra megin. Viðar Guðjónsson tók spyrnuna, sem var ekki ýkja föst en fór í nærstöngina og inn og Sandor Matus hreyfði sig ekki í markinu. Óskabyrjun Fjölnismanna og staðan 0:1.
Fjölnir fékk síðan dæmda umdeilda vítaspyrnu á 18. mínútu. Ágúst Þór Ágústsson féll í teignum eftir baráttu við Hafþór Þrastarson, en svo virtist sem Hafþór hafi farið í boltann. Dómarinn var engu að síður viss á sinni sök og vítaspyrna dæmd. Illugi Þór Gunnarsson skoraði örugglega úr spyrnunni. Staðan 0:2.
Fjölnismenn voru nálægt því að bæta við þriðja markinu um tveimur mínútum síðar. KA-vörnin svaf þá illega á verðinum eftir fyrirgjöf inn í teig, þar sem Viðar Guðjónsson var einn á auðum sjó og fékk frían skalla en boltinn fór yfir markið. Fjölnismenn einfaldlega mun betri þessar fyrsta hálftímann og KA-menn komust ekkert áleiðis. Gestirnir bættu svo við þriðja markinu á 37. mínútu. Markið var í skrautlegri kantinum. Fjölnismenn áttu skot sem Sandor Matus í marki KA varði, boltinn barst til Kristins Freys Sigurðssonar sem skaut boltanum í slána, en fékk boltann svo í sig og boltinn þvældist inn í markið. Staðan 0:3 og ekkert í kortunum um að KA væri að fara svara fyrir sig. Úrslitin á Þórsvelli svo gott sem ráðin eftir 40 mínútna leik.
Staðan 0:3 í hálfleik.
Seinni hálfleikurinn byrjaði líkt og sá síðari endaði. Fjölnismenn stjórnuðu leiknum en bitlausir KA-menn virtust hreinlega hafa sætt sig við ósigurinn. Gestirnir skoruðu mark snemma í síðari hálfleik sem var þó réttilega dæmt af.KA-menn hresstust aðeins þegar líða tók á hálfleikinn og sköpuðu sér nokkur hálffæri.
Martröð KA-manna hélt hins vegar áfram þegar tuttugu mínútur voru eftir af leiknum. Sigurjón Fannar Sigurðsson braut á Kristni Frey Sigurðssyni, vítaspyrna dæmd og Sigurjón fékk beint rautt spjald. Aftur umdeildur og harður dómur, þar sem Sigurjón Fannar var ekki aftasti maður og brotið átti sér stað, að virtist, fyrir utan teig. Illugi Þór Gunnarsson gerði enginn mistök á vítapunktinum og staðan 0:4 á Þórsvelli. Úrslitin endanlega ráðin.
KA náði sárabóta marki á 90. mínútu með marki frá Guðmundi Óla Steingrímssyni.
Lokatölur á Þórsvelli, 4:1 sigur Fjölnis. KA hefur áfram sjö stig en Fjölnir er komið í 10 stig og blandar sér í toppbaráttuna.
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
