Jóhann nýr formaður Félags málmiðnaðarmanna Akureyri
Jóhann R. Sigurðsson nýr formaður FMA og Hákon Hákonarson fráfarandi formaður. Mynd: Ásgrímur.
Fjölmennur aðalfundur Félags málmiðnaðarmanna Akureyri var haldinn í dag og var Jóhann R. Sigurðsson kjörinn nýr formaður. Fráfarandi formaður,Hákon Hákonarson, hefur gengt því embætti í 36 ár, en hann hefur setið í stjórn félagsins í 44 ár. Hákon verður áfram í stjórn en hefur tekið sæti varaformanns. Þá er Elín J. Bjarnadóttir ný í stjórn félagsins og er hún önnur konan sem tekur sæti í stjórninni. Jóhann formaður er menntaður bifvélavirki og starfar hjá Stillingu á Akureyri. Hann hefur tekið virkan þátt í starfsemi FMA, var síðast varaformaður. Þetta er sannarlega lítið félag með stórt hjarta. Fjárhagsstaðan er góð og ég fullyrði að þjónustan stenst vel samanburð við önnur stéttarfélög. Áhersla hefur verið lögð á að fjármunirnir skili sér til félaganna með ýmsum hætti. Við megum ekki gleyma því að félagið er til fyrir félagsmenn, en ekki öfugt, segir Jóhann.
Hákon Hákonarsonsegir segir að staða málmiðnaðarfyrirtækja á félagssvæðinu sé almennt góð. Félagarnir eru í flestum tilvikum sáttir við starfsemina, það sýnir glögglega ný skoðanakönnun og miklu skiptir að fjárhagsstaða félagsins er mjög traust. Kannski er helsta ástæðan fyrir því að ég hef verið svona lengi í starfinu sú að félagarnir hafa veitt mér nauðsynlegt aðhald, sem ég túlka fyrst og fremst sem stuðning. Að mínu viti hefur félagið alla burði til að vera áfram málsvari fyrir málmiðnaðarmenn á þessu landssvæði, veita víðtæka þjónustu og vinna að sameiginlegum hagsmunamálum félagsmanna í góðu samstarfi við önnur samtök launamanna. Stoðirnar eru traustar, en gleymum því ekki að hver og einn félagsmaður er mikilvægur hlekkur í þessari keðju. Þessi tími hefur verið ánægjulegur en á margan hátt krefjandi og gefandi.
Stjórn Félags málmiðnaðarmanna Akureyri skipa:
Jóhann R. Sigurðsson formaður
Hákon Hákonarson varaformaður
Elín J. Bjarnadóttir ritari
Eyþór Jónsson gjaldkeri
Arnþór Örlygsson meðstjórnandi
Brynjólfur Jónsson meðstjórnandi
Jóhann V. Jónsson meðstjórnandi
Nýjast
-
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.