Íslendingum fjölgað um helming á tjaldsvæðunum
Séð yfir tjaldsvæðið á Hömrum á Akureyri. Landsmenn flykkjast í útilegur og mikill straumur hefur verið norður. Ljósmynd/Þorgeir Baldursson.
„Við erum mjög ánægð með sumarið og aðsóknina hingað til,“ segir Tryggvi Marinósson forstöðumaður tjaldsvæðanna á Akureyri. „Maí og júní voru mjög góðir og fjölgun gistinátta í báðum mánuðum þrátt fyrir að aðeins séu örfáir erlendir gestir. Júlí hefur farið vel af stað og um N1-móts helgina voru nokkuð fleiri en á síðasta ári.“
Tryggvi segir að um 20% aukning sé fyrstu mánuði ársins miðað við árið í fyrra. „Ef við skoðum gistinætur meðal Íslendinga frá áramótum þá voru þær 5.400 á árinu 2019 en eru núna í ár 10.300. Þetta er því helmings aukning.“
Undanfarin ár hafi erlendir ferðamenn verið um 30% gesta en núna eru þeir nánst ekki. „Frá áramótum hafa um 100 erlendir gestir verið á tjaldsvæðunum en voru 2.200 á sama tíma í fyrra. Íslendingar halda þessu því uppi og eins og tölurnar sýna að ofan þá gera þeir það almennilega.“
Hann segir þó hlutina geta verið fljóta að breytast og veðrið spili stóran þátt í því hvort gestir komi á tjaldsvæðin eður ei. „Veðrið hefur verið fínt framan af sumri. Við höfum fengið þrjá toppa; Hvítasunnuhelgina, N1-mótið og síðustu helgi. Mér sýnist júlí ætla vera að góður mánuður og það stefnir allt í að þetta verði gott sumar,“ segir Tryggvi. Tjaldsvæðið í Hömrum er skipt upp í nokkur sóttvarnarhólf og það hefur gengið þokkalega að sögn Tryggva.
Nýjast
-
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi.
Athugasemdir