Inga María Ellertsdóttir skipulagði áskorunina Á Pólinn fyrir jólin-Hreyfing og líkamsrækt mitt geðlyf í mörg ár
Inga María Ellertsdóttir forsprakki átaksins Á Pólinn fyrir jólin á góðri stundu upp á fjallstindi á liðnu sumri.
„Hreyfing og líkamsrækt hefur verið mitt geðlyf í mörg ár og þó að hvorugt sé lækning né 100% forvörn hefur hreyfingin hjálpað mér gríðarlega mikið,“ segir Inga María Ellertsdóttir forsprakki átaksins Á Pólinn fyrir jólin og stendur yfir um þessar mundir hjá Grófinni geðrækt á Akureyri. Þessi hreyfiáskorun felst í því að þátttakendur skrá niður þá vegalengd sem þeir fara, gangandi, hjólandi, á skíðum, í sundi eða hvernig svo sem þeir fara. „Og saman ætlum við að ferðast þá vegalengd sem samsvarar leiðinni frá Jólahúsinu í Eyjafjarðarsveit að Norður-Pólnum,“ segir hún. Þátttakendur hafa nú lokið þremur fjórða hluta leiðarinnar, en í heild er leiðin 2618 kílómetrar. Þátttakendur eru þeir sem stunda eða hafa stundað Grófina eða starfa þar.
Svipuð áskorun var í gangi á liðnu sumri með yfirskriftinni „Grófin gengur Hringinn“ og miðaði að því að ná þeirri vegalend sem Hringvegurinn um Ísland er. Það markmið náðist og gott betur, vegalengdin út í Grímsey bættist við líka. Vel var tekið í þá áskorun og þátttakendur voru ánægðir með hana. „Fólki fannst gaman að taka þátt og hvetjandi að fara út að hreyfa sig, þannig að flestir sem voru með í sumar hoppuðu á vagninn núna líka auk þess sem nýir bættust við.“ Alls eru 16 manns skráðir í áskorunina nú og segir hún hvern og einn gera það sem hann treystir sér til, „og það er nóg.“
Sjálf hefur Inga María tekið þátt í áskorunum sem aðrir hafa skipulagt, m.a. að ná vegalend frá New York til ýmissa staða, Alaska, Akureyrar og Rio De Janeiro, en þátttakendur í þeim áskorunum voru allir staðsettir í Bandaríkjunum utan hana sjálfa. „Það getur hver sem er farið hvert sem er á jörðinni,“ segir hún.
Valdeflandi og styrkjandi að setja sér markmið og ná þeim
„Ég byrjaði á þessu þegar kórónuveiran geysaði og líkamsræktarstöðvar lokaðar, og skemmst frá því að segja að þetta hélt mér gangandi,“ segir hún. „Upphaflega markmið mitt með þessu var einfalt, að hvetja fólk til að hreyfa sig og hjálpa því að setja sér markmið tengd hreyfingu. Þetta er eitt stórt markmið sem við vinnum að saman, að komast á pólinn fyrir jólin, en ég hef líka hvatt til þess að þátttakendur setji sér persónuleg og minni markmið, eins og að ná ákveðnum kílómetrafjölda á viku eða bara eitthvað smávegis á hverjum degi. Einhverjir hafa tekið það upp og mér finnst það frábært. Það er virkilega valdeflandi og styrkjandi að setja sér markmið og ná þeim, hversu lítil og einföld sem þau kunna að virðast í annarra augum, þá er stundum um risastóran áfanga fyrir viðkomandi að ná,“ segir Inga María.
Safna fé til að styrkja reksturinn
Grófin geðrækt starfar á grunni frjálsra félagasamtaka og er áskorunin einnig leið til að sækja styrki út í samfélagið. Umsvif í Grófinni hafa aukist á undanfarin misseri og aðsókn aukist og fylgir því aukinn rekstrarkostnaður. Hugmyndir eru einnig uppi um að auka þjónustuna enn meira en nú og það kostar líka sitt. Fyrirtæki og einstaklingar hafa sýnt aukna velvild á liðnum árum í garð úrræða sem snúa að geðheilsu og geðheilbrigði og gefst þeim sem eru aflögufærir nú kostur á að styrkja þetta framtak með áheitum.
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir