Hvetur alla unglinga til að vera skapandi
Ragnheiður Inga Matthíasdóttir, 14 ára Akureyringur sem gengur undir listamannsnafninu Ragga Rix, sigraði Rímnaflæði, rappkeppni unga fólksins sem var haldin á síðasta ári. Ragga keppti fyrir hönd félagsmiðstöðvarinnar Tróju á Akureyri og flutti lagið Mætt til leiks.
Rímnaflæði var fyrst haldið 1999 en þessi skemmtilega keppni hefur verið stökkpallur ungra og efnilegra rappara úr félagsmiðstöðvum landsins til að skapa sér nafn í tónlistarheiminum. Keppendur eru á aldrinum 13-16 ára og er skilyrði að textar séu samdir af keppendum.
Nú hefur Ragga Rix fylgt sigrinum eftir með nýju lagi, ,,Bla bla bla” sem hægt er að hlusta á á Youtube. Myndbandið við lagið tók hún upp sjálf með liðsinni föður síns. Vikublaðið ræddi við þessa hæfileikaríku listakonu og hún sagði aðeins frá nýja laginu sem er kraftmikil ádeila á veruleika unglinga í dag.
„Bla bla bla er í rauninni fyrsta alvöru lagið mitt. Ég gaf út Mætt til leiks en þá var ég að keppa í Rímnaflæði þannig að þetta er svona annað lagið mitt sem ég gef út,“ segir hún.
Sterkar skoðanir
Það fer ekkert á milli mála að Ragga er með sterkar skoðanir og hefur hæfileika til að koma þeim á framfæri.
„Lagið er aðallega um það hvernig er að vera unglingur í dag, allt þetta rugl sem er í gangi á samfélagsmiðlum. Til dæmis „body shaming““ segir rapparinn ungi og útskýrir hugtakið svo betur á íslensku. „Íslenskan fyrir það er víst líkams smánun en fáir nota það. Það snýst um gagnrýni á líkamann, að hann passi ekki inn í Instagram módelið eða staðalinn. Svo fjallar lagið líka um að 14 ára krakkar eru farnir að fikta við að veipa. „Toxic“ eða eitraða vinahópa og símaheiminn sérstaklega,“ útskýrir hún.
Blaðamaður spyr hana þá hvað hún eigi við með símaheiminum og það stendur ekki á svörum. En það er ádeila á hinn tvöfalda veruleika unglinga í dag. „Þú getur sett upp svona prófíl á netinu en ert samt bara einhver annar í raunveruleikanum. Það er alltaf ákveðið sjokk sko,“ segir Ragga en vill þó taka fram að það sé mikið af ungu fólki að gera frábæra hluti.
„Það er virkilega gaman að vera unglingur og mikið af skemmtilegum tækifærum. Ég vil taka það fram að það er hellingur af krökkum að gera góða hluti. Margir sem eru gera eitthvað skapandi, en það heyrist oft hæst í hinum,“ segir Ragga og bætir við að hún hvetji alla unglinga til að vera skapandi.
Blautir Sokkar
Ragga hefur rappað í þónokkur ár þrátt fyrir ungan aldur. „Ég er búin að vera rappa frá því ég var 9 ára og byrjaði í rappbandinu Blautir sokkar með litlu stystur minni þegar við bjuggum á Eyrinni,“ segir Ragga hlæjandi og bætir svo við: „Við vorum heimsfrægar á Eyrinni.“
Ragga semur alla sína texta sjálf og ætlar sér stóra hluti í framtíðinni. Hún segist eiga sér nokkrar íslenskar fyrirmyndir í tónlistinni. „Þær eru nokkrar, MC Gauti alveg klárlega, hann er 100% kúl. Aðrir flottir íslenskir eru t.d. Jón Jónsson og Salka Sól, Ég tek þau mér til mikillar fyrirmyndar,“ segir Ragga og bætir við hún ætli sér að halda áfram að skrifa og svo komi hún fram á tónleikum í apríl.
Stefnir hátt
„Ég kem fram á SamFestingnum núna í apríl, það er stærsta SamFés ball ársins. Allar félagsmiðstöðvar landsins koma saman. Ég er að verða komin með þokkalegt prógram, nokkur gigg framundan,“ segir Ragga og bætir við að hún eigi nokkur lög inn á youtuberásinni sinni.
„Ég stefni bara á hæstu hæðir og halda áfram að skrifa og gefa út,“ segir Ragga Rix að lokum.
Nýjast
-
Húsavík - Vilja koma á tengiliðaverkefni fyrir nýja íbúa
Helena Eydís Ingólfsdóttir, fulltrúi D lista og formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið. -
Listamannaspjall með Gunnari Kr. Jónassyni í Listasafninu á Akureyri n.k. laugardag
Laugardaginn 20. apríl kl. 15 verður listamannaspjall með Gunnari Kr. Jónassyni um verk hans á samsýningunni Sköpun bernskunnar, sem nú stendur yfir í Listasafninu á Akureyri. Stjórnandi er Heiða Björk Vilhjálmsdóttir, sýningarstjóri. Aðrir þátttakendur sýningarinnar eru Ingunn Fjóla Ingþórsdóttir og nemendur úr leikskólanum Naustatjörn og grunnskólunum Glerárskóla og Naustaskóla. -
Norðurorka fær umhverfisverðlaun Terra
Norðurorka hlaut umhverfisverðlaun Terra á landsbyggðinni fyrir árið 2023. Norðurorka hefur sett fordæmi fyrir því hversu vel má flokka allt sem til fellur hjá stóru fyrirtæki. Hlutfall sem urðað er eða sent í brennslu er í algjör lágmarki og samræmist það mjög vel stefnu Terra um að skilja ekkert eftir. Norðurorka hefur tileinkað sér þær nýjungar sem Terra býður upp á og hefur fyrirtækið verið reiðubúið að prófa nýjar lausnir og gefið álit sitt á virkni þeirra. Forsvarsmenn Terra segir að ansi mörg fyrirtæki sem séu í viðskiptum við félagið hafi bætti sig á milli ára þegar kemur að flokkun, sem aftur skili hreinni straumum og hærra hlutfalli heildarúrgangs sem fer í endurvinnslu. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
Hefur myndað báta frá barnsaldri
Hafþór Hreiðarsson, ljósmyndari og nú myndlistamaður -
Akureyri - Þátttaka eykst stöðugt í velheppnuðu verkefni Virkra efri ára
„Við erum afskaplega ánægð með hvernig til hefur tekist, þátttaka hefur aukist jafnt og þétt og við heyrum ekki annað en notendur séu ánægðir með það sem í boði er,“ segir Héðinn Svarfdal Björnsson verkefnastjóri Virkra efri ára. Verkefnið hófst formlega í febrúar í fyrra en þá var byrjað á að bjóða ýmis konar tækifæri til hreyfingar fyrir þá íbúa bæjarins sem náð höfðu 60 ára aldri og voru þeir dreifðir um bæinn. -
Húsavik - Gagnrýna ákvörðun um kaup á körfubíl
Byggðarráð Norðurþings samþykkti á 457 fundi sínum fyrri skemmstu að körfubíl fyrir Slökkvilið Norðurþings með atkvæðum Hjálmars Boga B-lista og Áka Haukssonar M-lista. Hafrún Olgeirsdóttir D-lista greiddi atkvæði á móti. Áætlaður kostnaður við kaupin er 14,9 m.kr með vsk. á tækinu heim komið miðað við gengi dagsins. -
KEA eykur við hlut sinn í Norlandair
KEA hefur keypt rúmlega 21% hlutafjár í Norlandair og verður eftir viðskiptin stærsti hluthafi félagsins með 43% eignarhlut. Samhliða þessum viðskiptum er Air Greenland einnig að auka við hlut sinn í félaginu og verður næst stærsti hluthafi þess. Í þessum viðskiptum voru Friðrik Adolfsson, Kaldbakur og Mýflug að selja eignarhluti sína en Friðrik lét af störfum sem framkvæmdastjóri Norlandair vegna aldurs um nýliðin áramót og við starfi hans hefur tekið Arnar Friðriksson. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.
Athugasemdir