Hvetja Akureyringa til að hreyfa sig í náttúrunni
Hjónin Þorbergur Ingi Jónsson og Eva Birgisdóttir eru að fara af stað með göngu- og útivistarprógram á Akureyri og nágrenni þann 1. júní sem miðar að því að fá byrjendur til að hreyfa sig í náttúrunni. „Hugsjón okkar er að gera Akureyri og nágrenni að útivistarparadís því umhverfið okkar bíður svo sannarlega upp á það,“ segir Þorbergur Ingi.
„Við erum með fjöll, dali og stíga í bakgarðinum sem bíða okkar og við viljum auka tækifæri fólks og kynna það fyrir þessari útivistarparadís sem við tölum um. Margir eru að nýta okkar flottustu stíga í kringum bæinn en það er hópur fólks sem hægt er að hvetja áfram og vekja athygli á þessu. Okkar prógram miðar einmitt að þeim sem eru að stíga sín allra fyrstu skref í útivist og þá sem hafa aðeins verið að hreyfa sig,“ segir Þorbergur.
Fjórar leiðir í boði
Hægt er að velja um fjórar leiðir eftir því hversu fólk er langt komið í hreyfingu:
Leið 1: Hentar fólki sem vill bæta líkamlegt form og heilsu en hefur lítið verið að hreyfa sig. Hér er aðallega um léttar gönguferðir að ræða en markmiðið er að í lok sumars geti fólk farið í 10-15 km fjallgöngu. Í þessu prógrammi er byrjað mjög rólega og hentar það vel þeim sem eru að stíga sín fyrstu skref í útivist og hreyfingu. Æfingar 2-3 sinnum í viku.
Leið 2: Fyrir þá sem hafa einhverja reynslu af fjallgöngum eða hafa verið að hreyfa sig eitthvað í gegnum tíðina og vilja bæta formið. Hér blandast fjallgöngur og létt skokk saman í æfingarprógrammi. Æfingar 2-3 sinnum í viku.
Leið 3: Fjölskyldan á fjöll 1. Ganga á 5 fjöll með fjölskyldunni (má líka fara ein/einn) fyrir lok sumars. Gengið verður í nágrenni Akureyrar með fallegu útsýni. Létt prógram með æfingum 2 sinnum í viku sem fjölskyldan tekur saman (ef hægt er) ásamt því að ganga á fjöllinn 5. Fyrsta fjallið sem gengið er á verður með leiðsögn.
Fjölskyldan á fjöll 2: Fyrir fjölskyldur með yngri börn og treysta sér ekki upp á fjallstoppa og (hér má líka fara ein/einn). Gamli, Fálkafell eru á meðal markmiða auk styttri æfinga í hverri viku.
Miklir náttúruunnendur og fjallagarpar
Prógramið er fyrir fjölskyldur og er ekki eingöngu hugsað sem hreyfing heldur aukin samvera fjölskyldunnar í náttúrunni sem er heilsusamleg öllum aðilum. Sjálf eru Þorbergur og Eva miklir náttúruunnendur og fjallagarpar.
„Við höfum mikla ástríðu fyrir því að kynna fólki fyrir þessari dásamlega umhverfi og náttúru sem við höfum allt í kringum okkur,“ segja þau. Þorbergur Ingi er margreyndur hlaupari og fremsti utanvegahlaupari landsins og er hæst rankaður á svokölluðum ITRA styrkleikalista. Hann á fjölmörg brautarmet og m.a. í Laugaveginum þar sem hann hljóp árið 2015 á tímanum 3:59 klst. Þorbergur hefur þjálfað hlaupahópa í mörg ár með áherslu á utanvegar og fjallahlaup með góðum árangri. Eva er fjallahlaupari og er í Meistaranámi í Íþrótta- og heilsufræðum og vinnur nú að lokaverkefni sínu en það er einmitt bók um gönguleiðir á Akureyri og nágrenni.
Hægt er að skrá sig á námskeiðið á fjallahlaupathjalfun@gmail.com og fá frekari upplýsingar á Facebooksíðu þeirra hjóna undir heitinu Fjallahlaupaþjálfun Þorbergs Inga og Evu Birgis.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir