Hvert er ferðinni heitið?
Var að lesa yfir viðtöl í Vikudegi við forystufólk bæjarstjórnarflokkanna hér á Akureyri. Þau voru beðin að spá í spilin um hvaða málefni væru, eða þyrftu að vera, í forgangi á næstunni. Mér þótti þetta ágæta fólk fara mjög með löndum í svörum sínum og var litlu nær um hvaða mál væru að þeirra mati efst á baugi þegar til lengri tíma er litið. Þau voru öll mjög upptekin af því að lemja á ríkisvaldinu að standa við sína samninga sem er auðvitað eitt af því sem alltaf er og ávallt verður á dagskrá.
Ennfremur var minnst á þann vegsauka fyrir bæinn að flytja stofnanir og fólk hálfgerðum hreppaflutningum hingað í anda þeirrar minnimáttarkenndar að allt verði að gera til að rétta hlut landsbyggðarinnar. Að mínum dómi er lítil reisn yfir því. Forystufólkið var auk þess sammála um að auka vellíðan bæjarbúa á öllum sviðum, bæta þjónustu bæjarins og öryggi íbúa sem eru auðvitað allt sjálfsagðir hlutir og enginn ágreiningur um. Þegar ég leitaði eftir því í svörum bæjarfulltrúanna hvernig ætti að efla atvinnulífið til að skapa meiri verðmæti og fá auknar tekjur svo unnt verði að standa undir öllu saman komu frasar um að skapa svigrúm og tækifæri fyrir fyrirtæki til að auka starfsemina, styðja við fólk sem vill hefja eigin atvinnurekstur, efla hvers kyns frumkvöðlastarfsemi o.s.frv.
Ekki gat ég séð nokkur merki þess hvernig bæjarstjórnarfólkið hugsar sér að standa að því að framkvæma ofangreind markmið, bara almenn orð og búið. Enginn þeirra gat um tiltölulega nýsamþykkta atvinnustefnu bæjarins þar sem reynt var af veikum mætti að skilgreina hvað ætti að leggja áherslu á í frekari atvinnuuppbyggingu. Að mínum dómi þarf að vinna það plagg mun betur þannig að það standist einhvern samanburð við vandaða atvinnustefnu bæjarins frá árinu 1999. Hún komst að vísu aldrei til framkvæmda. Hefði það hins vegar gerst hefðu göfug markmið eins og að auka svigrúm og tækifæri fyrirtækja, að efla nýliðun í rekstri og styðja frumkvöðla frekar orðið að veruleika.
Því miður var sú góða stefna eingöngu orðin tóm og áfram haldið að jarma í ríkisvaldinu um bjargráð og eddingar að sunnan. Mér sýnist að enn sé verið að höggva í þann sama knérunn. Reynslan sýnir ótvírætt að ekki nægir að móta stefnu sem fara á eftir ef hún gleymist áður en blekið er þornað á pappírnum. Eftir áralangt starf liggur nú fyrir glænýtt skipulag miðbæjarins sem flestir hafa fagnað. Eitt af því sem þar var ákveðið var að mynda greiða leið frá Skátagili austur að höfninni. Þetta er eitt af grundvallaratriðum nýja skipulagsins. Þar af leiðandi var gert ráð fyrir að fjarlægja gamla Brauns-verslunarhúsið og gera þar gangstíg. Nú hefur bæjarstjórn samþykkt að endurbyggja þetta hús ar sem það stendur og koma þannig í veg fyrir að stígurinn verði að raunveruleika um ókomna tíð.
Þetta ráðslag er með þeim ólíkindum að maður spyr sig hreinlega hvort hægri hönd bæjarstjórnar hafi enga hugmynd um hvað sú vinstri gerir. Að þessu sögðu er eðlilegt að spyrja hvers vegna bærinn okkar er að leggja fram mikið fé og mikla vinnu við að móta stefnu í stórum málaflokkum ef niðurstöðurnar hverfa strax í gleymskunnar dá? Síðan verður allt með sama hringlandahætti og áður sem ég var að vona að heyrði fortíðinni til.
Höfundur er kaupmaður á Akureyri.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
