Hvað ætlar þú að verða?
Þegar ég var yngri leiddi ég oft hugan að því hvernig líf mitt yrði þegar ég yrði stór. Þessi típíska spurning sem börn fá „Hvað ætar þú að verða þegar þú verður stór“. Enn í dag spyr ég sjálfa mig þessarar sömu spurningar, en svörin við henni hafa tekið breytingum með aldrinum og kannski meiri vitsmunum. Þegar ég var yngri var svarið alltaf hjúkrunarkona, læknir eða lögga. Og ófáir leikir gengu út á það að lækna snigla eða orma. En því miður enduðu þeir yfirleitt líf sitt sem þurrkað skraut á stéttinni heima. Nei það var fljótt ljóst að ég átti ekki framtíð fyrir mér í þeim geira. En hvað var þá til ráða? Jú kellan skyldi bara vinna með blákaldar tölur og fara inn í þetta fína ferkantaða box sem tölur tilheyra. Já það var rétta leiðin fyrir mig.
En nú vandaðist málið. Daman sem gat ekki einu sinni haldið lífi í ormum og sniglum ákvað að stofna fjölskyldu. Hvað var hún að hugsa? Þessi börn koma ekki með notenda eða tölulegum upplýsingum og langt því frá eitthvað sem passar í fyrir fram ákveðið box sem daman gat búið til. Þegar komið var heim af fæðingardeildinni átti maður bara að detta í gírinn og kunna allt. Ég var með lífið í lúkunum alla daga. Hugsandi til allra dýranna sem hefðu endað ævi sína á stéttinni heima. Ég þurfti að læra þetta og vera snögg að því. Fæðingarorlof er sko ekkert orlof. Það er full vinna og fyrir svona „amatör“ eins og mig þá var þetta eins og 150% vinna að halda lífi í afkvæminu. En sem betur fer þá eldist maður og vitkast með árunum og lærir að hugsa um þessa unga sína. Þó svo þeir séu sérfræðingar að koma með krefjandi áskoranir fyrir móður sína.
En nú fara þeir að fá þessa sömu spurningu og ég var spurð þegar ég var yngri. „hvað ætlar þú að verða þegar þú verður stór“. Ég ætla að benda þeim góðlátlega á að sama hvað þeir ætla sér að verða forritari, tölvuleikjaframleiðandi, Youtuber eða eitthvað slíkt, þá munu þeir alltaf vera í umönnunarhlutverki ef ætlun þeirra er að eignast börn svo það er eins gott að þeir geti haldið lífi í þessum ormum og sniglum ólíkt mömmu sinni.
En er ég orðin stór? Get ég hætt að spyrja mig þessarar spurningar? Mér finnst ég ekki orðin stór og sé sjálfa mig alltaf sem þessi litla stelpa sem reyndi hvað hún gat að halda lífi í sniglunum. Ég get langt því frá hætt að spyrja mig þessarar spurningar. Ef ég spyr mig þessarar spurningar í dag held ég að svarið mitt yrði engu að síður það sama og áður. Tölur eru mitt áhugamál. Ég held að enginn hefði viljað fá mig inn á spítala eða í aðhlynningu á einhvern hátt. En hvað framtíðin ber í skauti sér veit enginn. En aftur á móti held ég að ég hefði haft gott því að fá einn áfanga í umönnun og uppeldi það hefði kannski létt manni lífð eða hvað...
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir