Hva, varstu ekki að fá barnabætur?
Mikið agalega er ég orðin þreytt á þessari athugasemd frá fólki við einstæða foreldra sem heldur að maður detti í einhvern svakalegan lottópott fjórum sinnum á ári. Jú, ég fékk, já, eða fékk ekki barnabætur um mánaðamótin þar sem þeim hefur þegar verið ráðstafað inn á greiðsluþjónustuna mína. En alltaf heldur fólk að einstæðir foreldrar hafi það svo gott. Það mætti halda að fólk vissi ekki hvað það kostar að vera með barn, já, eða börn. Ég er nú ein af þeim mæðrum sem læt barnið mitt ALLTAF ganga fyrir í einu og öllu og þannig á það að vera. En svo fæ ég barnabætur sem ég tók fram að ég hafi fyrirfram ráðstafað í greiðsluþjónustuna til að lækka mánaðarleg útgjöld. Allt í lagi með það.
Það er samt ekki svo mikið sem ég hef á mánuði þegar allt hefur verið greitt. Ég hef til dæmis þurft til tannlæknis og læt frekar draga úr mér tönn (og hef gert það þrisvar) af því það er ódýrara, en ég fæ sko barnabætur. Ég nota lyf að staðaldri og hef undanfarið ár þurft að minnka skammtinn til að eiga út mánuðinn af því annars endast ekki lyfin, en ég fæ sko barnabætur. Ég stoppa í nærfötin mín af því ég hef ekki efni á að kaupa ný eða barnið mitt vantar það sama, en ég fæ sko barnabætur. Ég borða ekki það sem barninu mínu finnst gott og til er á heimilinum því þá er ekki til nóg handa því af því það eru ekki til peningar til að kaupa meira, en ég fæ sko barnabætur. Ég kaupi mikið af fötum hjá Hjálpræðishernum eða Rauða krossinum af því ég hef ekki efni á að versla í tískuvöruverslunum, en ég fæ sko barnabætur.
Ég fer aldrei í bíó með barninu mínu af því það er svo dýrt ef við förum báðar heldur leyfi því frekar að fara með einhverjum vina sinna, en ég fæ sko barnabætur. Við förum aldrei út að borða og ef ég fer í sjoppu og kaupi pylsu og kók handa barninu mínu þykist ég ekki hafa lyst og fæ mér frekar eitthvað heima, en ég fæ sko barnabætur. Ég hef þurft að leita á náðir hjálparstofnana fyrir mat vegna þess að það er bara allt orðið tómt um miðjan mánuð, en ég fæ sko barnabætur. Ég hef leitað til Akureyrarbæjar um fjárhagsaðstoð en fæ hana ekki vegna þess að ég er yfir kvarða vegna persónulegra skulda og fæ því alltaf synjun, en ég fæ sko barnabætur.
Hvenær í ósköpunum ætlar fólk að hætta að halda því fram að einstæðir foreldrar séu svo svakalega vel stæðir þó þeir fái barnabætur á þriggja mánaða fresti? Lifir þetta fólk ekki í sama veruleika og við hin, hefur það ekki tekið eftir því hvað kostar að vera til, hvað kostar að reka heimili og hafa ofan í sig og á, hvað er að fólki? Ég vildi óska að þessi óraunveruleikablaðra sem sumt fólk virðist lifa í færi nú að springa og það hætti þessum slettum varðandi barnabætur. Því það verður enginn ríkur af þeim.
Sædís Inga Ingimarsdóttir.
Nýjast
-
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing.
