Húsvísk ungmenni í kaffi í sendiráði USA
Nemendur FSH, Jan Klitgaard, forstöðumaður Hvalasafnsins á Húsavík, Huld Hafliðadóttir verkefnastjóri og Robert C. Barber sendiherra.
10 nemar á fyrsta ári í Framhaldsskólanum á Húsavík taka nú þátt í samstarfsverkefni Hvalasafnsins á Húsavík og Hvalveiðisafnsins í New Bedford, Massachusetts í Bandaríkjunum. Verkefnið hlaut í sumar styrk frá Bandarísku safnasamtökunum American Alliance of Museums. Samstarfið miðar að því að tengja saman ólík samfélög í gegnum safnasamstarf, þar sem ungmennaskipti með áherslu á umhverfis- og félagslegar breytingar eru í brennidepli.
Nemarnir fræðast um hvali, nærumhverfi sitt og sögu þess og miðla þeim upplýsingum til þátttakenda í verkefninu hinu megin Atlantshafsins, en þar eru nemar frá New Bedford sem gera slíkt hið sama. Nemarnir nota skype til að tala saman, auk þess sem þau hafa fengið fyrirlestra í gegnum skype frá New Bedford og Reykjavík. Þá halda þeir einnig úti vefsíðu með ýmsum upplýsingum. Þrír sameiginlegir viðburðir eru haldnir í söfnunum sem hluti af verkefninu sem nemarnir sjá alfarið um, og var sá fyrsti, lestrarmaraþon, haldinn í byrjun janúar á báðum stöðum.
Sem lokahluti verkefnisins og í raun rúsínan í pylsuendanum, fá þátttakendur að ferðast til New Bedford í Bandaríkjunum í maí n.k. þar sem þeir munu dvelja í um vikutíma. En áður en út er haldið þurfa ferðalangar að sækja um sérstaka vegabréfsáritun í Bandaríska sendiráðinu, þar sem um er að ræða styrkveitingu frá bandarískum samtökum.
Bandaríska sendiráðið hefur stutt dyggilega við verkefnið frá upphafið og var því glatt á hjalla þegar nemendur frá Húsavík stormuðu suður og var boðið í kaffisamsæti með sendiherra Bandaríkjanna á Íslandi, Robert C. Barber. HH/js
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.