Húsnæði fyrir ungt fólk og alla hina
Logi Már Einarsson
Húsnæðismál hafa ekki nema að litlu leyti verið á ábyrgð sveitarfélaga, en nú er svo komið að þau verða að láta þennan málaflokk meira til sín taka. Fyrir því eru einkum þrjár ástæður.Leiguverð er hátt og nú er erfiðara en áður að fjármagna kaup á húsnæði. Þá er vaxandi eftirspurn eftir fleiri valkostum í húsnæðismálum. Nánast ómögulegt er fyrir ungt fólk að fjármagna kaup á fyrstu íbúð og ekki vilja allir taka á sig miklar langtímaskuldbindingar til þess að tryggja sér öruggt húsnæði.
Það á ekki að vera eina leið ungs fólks í húsnæðismálum að kaupa íbúð, skuldsetja sig til margra áratuga og veðja á að þróun verðbólgu og launa verði það farsæl að eigið fé byggist upp á mörgum árum. Eiga það þó líka á hættu að efnahagslífið þróist með þeim hætti að áralangar greiðslur fuðri upp á verðbólgubáli og það sitji fast í vistarböndum í yfirveðsettri eign.
Sveitarfélög hafa ýmis úrræði til að koma til móts við ungt fólk í íbúðahugleiðingum. Það má skipuleggja lóðir undir íbúðir sem henta sérstaklegaþessum hópi. Gera þarf ráð fyrir fleiri litlum íbúðum og staðsetja þær miðsvæðisþar sem stutt er í vinnu og helstu þjónustu. Búseta í slíku hverfi gerir fólki kleift að ástunda ódýrari og umhverfisvænni lífsstíl; hægt er að nýta sér almenningssamgöngur, hjóla eða ganga.
Akureyrarbær á að taka frumkvæði í þessum málum með því að skipuleggja lóðir undir íbúðir sem eru ódýrar og hagkvæmar í rekstri. Þeir sem byggja íbúðir án þess að hagnaðarsjónarmið ráði för, svo sem byggingasamvinnufélög, þurfa að hafa forgang við úthlutun þannig að lægri byggingarkostnaður skili sér til íbúanna. Bærinn ætti sjálfur að eiga hluta þessara íbúða og leigja út og loks þarf að úthluta lóðum á frjálsum markaði til leigufélaga og verktaka. Þannig er hægt að byggja fjölbreytt hverfi með blandaðri byggð sem henta jafn ungum sem öldnum, óháð efnahag.
Þessum hugmyndum er réttast að hrinda í framkvæmd á Eyrinni og Tanganum neðan hennar. Í dag býr Eyrin yfir karakter sem þykir eftirsóknarverður við hönnun nýrra hverfa; þétt og lágreist byggð í nálægð við miðbæinn og helstu þjónustu. Hægt er að reisa þétta, blandaðaða byggð sem yrði í góðu samræmi við þá sem þar er fyrir. Miðbærinn nyti góðs af fjölgun íbúa í næsta nágrenni, með auknu lífi og meiri eftirspurn eftir þjónustu. Fjölgun íbúa bæjarins, án þess að þenja hann frekar út sparar gífurlega fjármunir. Peningunum sem sparast væri miklu betur varið t.d. í mennta og öldrunarmál en óþarfa malbik, snjómokstur og hirðingu. Þá væri hægt að stórbæta almenningssamgöngur, án þess að kostnaður við þær ykjust að sama skapi. Slíkt myndi koma bæði bæjarbúum og umhverfinu til góða.
Logi Már Einarsson bæjarfulltrúi
Höfundur er í 1. sæti XS, Samfylkingarinnar á Akureyri.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.