Húshitunarkostnaður í Grýtubakkahreppi sá þriðji hæsti á landinu
„Við teljum að þessar kröfur séu mjög hógværar,“ segir Þröstur Friðfinnsson sveitarstjóri í Grýtubakkahreppi. Sveitarstjórn hefur farið fram á að gjaldskrá Reykjaveitu, þaðan sem íbúar sveitarfélagsins fá heitt vatn verði ekki meira en 30% hærri en aðalveitu Norðurorku frá 1. janúar árið 2026. Gjaldskráin er um þessar mundir um 60% hærri en sú sem notendur aðalveitunnar greiða, m.a. Akureyringar.
Orkukostnaður íbúa í Grýtubakkahreppi er sá þriðji hæsti á landinu samkvæmt skýrslu Byggðastofnunar um húshitunarkostnað, eða ríflega 231 þúsund krónur á ári. Kostnaður við húshitun á Akureyri er samkvæmt skýrslunni rúmlega 136 þúsund krónur. Reykjaveita var tekin í gagnið á árunum 2007 til 2008 og liggur frá Reykjum innst í Fnjóskadal og niður eftir dalnum alla leið til Grenivíkur, um 60 kílómetra leið. Bæir og sumarbústaðir, m.a. orlofshúsabyggðin á Illugastöðum tengjast heitaveitunni á leiðinni.
Þröstur segir að málefni Reykjaveitu hafi verið talsvert til umræðu í sveitarstjórn frá því á liðnu ári þegar sú staðreynd blasti við að húshitunarkostnaður í sveitarfélaginu væri með því hæsta sem þekktist á landinu. „Það var alla tíð vitað að kostnaðurinn yrði mikilli, þetta er löng leið og fáir notendur. Notkun hefur hins vegar vaxið mikið með árunum og notendum fjölgað, raunar mikið meira en áætlað var, þannig að forsendur hafa gjörbreyst,“ segir Þröstur.
Rafhitun ódýrari
Kostnaður við húshitun á Grenivík er nú hærri en á svæðum þar sem notast er við rafhitun og munar þar um 17% að sögn sveitarstjóra sem segir að það sé þvert á upphaflegar forsendur. Þröstur segir að í fyrra hafi verð sent erindi til stjórnar Norðurorku vegna þessa háa verð og hafi verið brugðist við, m.a. með gerði KPMG skýrslu um stöðu veitunnar. Nú nýverið hafi Grýtubakkahreppur látið KPMG gera viðbótarútreikninga þar sem forsendur séu aðrar og niðurstaðan sömuleiðis.
Fari niður í 30% mun innan tveggja ára
Um síðustu áramót hækkaði gjaldskrá Reykjaveitu um 8,6% sem er lægra en sú 12% gjaldskrárhækkun sem varð á aðalveitu Norðurorku, „það er aðeins verið að sýna lit,“ segir Þröstur og bætir við að gjaldskráin sé þó langt í frá að vera viðunandi. Þegar mest var greiddu notendur Reykjaveitu um 70% hækka gjald en notendur aðalveitunnar, munurinn er nú kominn niður í um 60%. „Við erum að gera þá kröfur að nú þegar verði ekki meiri munur á okkar gjaldskrá og hjá aðalveitunni en 50%, á næsta ári farið hann niður í 40% og í byrjun árs 2026 verði ekki meira en 30% munur á gjaldskránni milli veitna. Þetta þykja okkur vera sanngjarnar og hófsamar kröfur,“ segir Þröstur.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir