Hús vikunnar: Viðarholt í Glerárþorpi
Við höldum okkur við Glerárþorp í umfjölluninni og nú erum við stödd að Viðarholti sem stendur í krika á milli gatnanna Sunnuhlíðar og Steinahlíðar, og telst nr. 17 við fyrrgreinda götu. Húsið reistu þau Kristján Þorláksson og Indíana Jóhannsdóttir en heimildum ber ekki saman um byggingarár; Lárus Zophoníasson (Súlur tímarit, 1980) segir það byggt 1918, en á skilti á húsinu stendur hins vegar „Viðarholt 1916“.
Elsta heimildin sem gagnasafnið timarit.is finnur um Viðarholt er frá janúar 1920. Þar birtast þau Indíana og Kristján í Viðarholti á lista yfir veitendur framlags til byggingu „berklahælis og sjúkrastofu norðanlands“ (Íslendingur, 6.tbl. 1920). Fjölmargir lögðu þessari söfnun lið, en umrætt „berklahæli“ er að sjálfsögðu Kristneshæli, sem reis af grunni sjö árum síðar. Í manntali þetta sama ár, 1920, búa sjö manns í Viðarholti, auk Indíönu og Kristjáns, synir hennar, Sigþór og Hannes Júlíus Jóhannssynir og sonur þeirra hjóna Jóhann Valdimar auk Jóhönnu Margrétar Þorsteinsdóttur sem skráð er sem hjú. Þá er þar búsettur Kristján Jónsson sem einnig er sagður bóndi. Þannig að mögulega hefur þarna verið tvíbýlt og sjálfsagt hafa búið þarna tvær eða fleiri fjölskyldur samtímis á fyrri hluta 20. aldar.
Í Viðarholti var stundaður myndarlegur búskapur áratugum saman en útihús eru þó öll horfin og túnin komin undir byggð. Hverfið sem Viðarholt er nú hluti af, Hlíðahverfi, byggðist að mestu á 8. og 9. áratug 20. aldar og hefur búskap í Viðarholti þá væntanlega verið sjálfhætt. Viðarholt er einlyft timburhús með lágu risi, múrhúðað og bárujárnsklætt. Bárujárn er á þaki og þverpóstar í gluggum. Húsið er einfalt og látlaust, í mjög góðri hirðu og til mikillar prýði sem og lóðin sem er víðlend og gróskumikil. Myndin er tekin þann 18. júní 2012.
Nýjast
-
Húsavík - Vilja koma á tengiliðaverkefni fyrir nýja íbúa
Helena Eydís Ingólfsdóttir, fulltrúi D lista og formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið. -
Listamannaspjall með Gunnari Kr. Jónassyni í Listasafninu á Akureyri n.k. laugardag
Laugardaginn 20. apríl kl. 15 verður listamannaspjall með Gunnari Kr. Jónassyni um verk hans á samsýningunni Sköpun bernskunnar, sem nú stendur yfir í Listasafninu á Akureyri. Stjórnandi er Heiða Björk Vilhjálmsdóttir, sýningarstjóri. Aðrir þátttakendur sýningarinnar eru Ingunn Fjóla Ingþórsdóttir og nemendur úr leikskólanum Naustatjörn og grunnskólunum Glerárskóla og Naustaskóla. -
Norðurorka fær umhverfisverðlaun Terra
Norðurorka hlaut umhverfisverðlaun Terra á landsbyggðinni fyrir árið 2023. Norðurorka hefur sett fordæmi fyrir því hversu vel má flokka allt sem til fellur hjá stóru fyrirtæki. Hlutfall sem urðað er eða sent í brennslu er í algjör lágmarki og samræmist það mjög vel stefnu Terra um að skilja ekkert eftir. Norðurorka hefur tileinkað sér þær nýjungar sem Terra býður upp á og hefur fyrirtækið verið reiðubúið að prófa nýjar lausnir og gefið álit sitt á virkni þeirra. Forsvarsmenn Terra segir að ansi mörg fyrirtæki sem séu í viðskiptum við félagið hafi bætti sig á milli ára þegar kemur að flokkun, sem aftur skili hreinni straumum og hærra hlutfalli heildarúrgangs sem fer í endurvinnslu. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
Hefur myndað báta frá barnsaldri
Hafþór Hreiðarsson, ljósmyndari og nú myndlistamaður -
Akureyri - Þátttaka eykst stöðugt í velheppnuðu verkefni Virkra efri ára
„Við erum afskaplega ánægð með hvernig til hefur tekist, þátttaka hefur aukist jafnt og þétt og við heyrum ekki annað en notendur séu ánægðir með það sem í boði er,“ segir Héðinn Svarfdal Björnsson verkefnastjóri Virkra efri ára. Verkefnið hófst formlega í febrúar í fyrra en þá var byrjað á að bjóða ýmis konar tækifæri til hreyfingar fyrir þá íbúa bæjarins sem náð höfðu 60 ára aldri og voru þeir dreifðir um bæinn. -
Húsavik - Gagnrýna ákvörðun um kaup á körfubíl
Byggðarráð Norðurþings samþykkti á 457 fundi sínum fyrri skemmstu að körfubíl fyrir Slökkvilið Norðurþings með atkvæðum Hjálmars Boga B-lista og Áka Haukssonar M-lista. Hafrún Olgeirsdóttir D-lista greiddi atkvæði á móti. Áætlaður kostnaður við kaupin er 14,9 m.kr með vsk. á tækinu heim komið miðað við gengi dagsins. -
KEA eykur við hlut sinn í Norlandair
KEA hefur keypt rúmlega 21% hlutafjár í Norlandair og verður eftir viðskiptin stærsti hluthafi félagsins með 43% eignarhlut. Samhliða þessum viðskiptum er Air Greenland einnig að auka við hlut sinn í félaginu og verður næst stærsti hluthafi þess. Í þessum viðskiptum voru Friðrik Adolfsson, Kaldbakur og Mýflug að selja eignarhluti sína en Friðrik lét af störfum sem framkvæmdastjóri Norlandair vegna aldurs um nýliðin áramót og við starfi hans hefur tekið Arnar Friðriksson. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.
Athugasemdir