Hús vikunnar: Íþróttahús MA; Fjósið
Gamli Skóli, eitt tilkomumesta timburhús bæjarins og einkennishús Menntaskólans á Akureyri var umfjöllunarefni síðustu viku. Á bak við skólahúsið stendur annað timburhús frá upphafi 20. aldar; íþróttahús Menntaskólans eða Fjósið.
Fjósið er í stórum dráttum þrjár álmur, norðurhluti er tvílyftur með lágu risi (íþróttasalur) og tvílyftri forstofubygginga á norðausturhorni. Suðurálman (búningsklefar) er einlyft með háu risi. Vesturálma er einlyft með einhalla þaki. Húsið er bárujárnsklætt timburhús og ber nokkur einkenni norskra „sveitser“- húsa, þrátt fyrir að vera hvergi nærri jafn skrauti prýtt og íburðarmikið og skólahúsið.
Fjósið var byggt í áföngum árin 1905-12 en vesturálman var byggð við húsið á níunda áratugnum. Engar heimildir munu um hönnuð hússins (mögulega á Sigtryggur Jónsson, sem teiknaði skólahúsið einnig heiðurinn af leikfimihúsinu ?) Eflaust halda einhverjir, að húsið sé reist sem fjós og síðar breytt í íþróttahús en svo er ekki. Húsið var frá upphafi íþróttahús eða leikfimihús eins og það nefndist þá. Elstur er norðurhlutinn, byggður 1905 en fullgerður 1910. Syðri álma var reist árin 1911-12 og var hún sannkallað „fjölnotahús“. Hýsti byggingin m.a. geymslur og slátrunarrými fyrir mötuneyti, salernisklefa (sem leystu af hólmi útikamra) og meira að segja örsmá heyhlaða í SV-horni. Þá voru kýr skólameistara, sem sáu mötuneyti skólans fyrir mjólk, hýstar í húsinu og þaðan kemur viðurnefnið Fjósið.
Árin 1942-44 var húsið tekið til gagngerra endurbóta að innan undir stjórn Jónasar Snæbjarnarsonar, smíðakennara og brúarsmiðs. Um 1979 voru búningsklefar og íþróttasalur endurnýjaðir frá grunni og húsið einnig einangrað upp á nýtt með steinull. Byggt var við húsið að vestan árin 1985-88 eftir teikningum Finns Birgissonar. Í hinni nýju vesturálmu var aðstaða íþróttakennara og vélageymsla en árið 2003 var innréttaður líkamsræktarsalur í rýminu. Enn er Fjósið, sem er glæst hús og í afbragðs hirðu, nýtt til íþróttaiðkunar. Þessi mynd er tekin 9. ágúst 2011.
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir