Hús vikunnar: Hrafnagilsstræti 12 (Páls Briemsgata 20)
Ef rýnt er í byggingasögu Akureyrar má finna margt áhugavert. Þar á meðal eru götur sem ekki náðu lengra en á skipulagsuppdrætti. Ein þeirra er Páls Briemsgata, sem áformuð var á Syðri Brekkunni. Henni var ætlað að liggja skáhallt frá suðurbakka Grófargils að Hrafnagilsstræti. Í Manntali 1940 er eitt hús skráð við götuna, Páls Briemsgata 20. Ekki urðu þau fleiri svo greinarhöfundur viti til, og síðar varð Páls Briemsgata 20, Hrafnagilsstræti 12.
Hrafnagilsstræti 12 er tvílyft steinsteypuhús í funkisstíl, með flötu þaki og horngluggum mót suðri. Á suðurhlið er útskot og svalir á efri hæð. Þak er pappaklætt, sléttur múr á veggjum og krosspóstar í gluggum. Undir þakkanti eru steyptir, ferkantaðir „hnappar“ í röð og gefa þeir húsinu skrautlegan svip. Ein íbúð er í húsinu.
Húsið reisti Hannes J. Magnússon, kennari við Barnaskólann á Akureyri, árið 1935. Fékk hann úthlutaða lóð við vestanverða Páls Briemsgötu og leyfi til að byggja þar hús. Nánar tiltekið íbúðarhús úr steinsteypu, ein hæð á „ofanjarðarkjallara“. Hannes kenndi um árabil við Barnaskólann og var skólastjóri þar árin 1947- ´65. Hannes hóf útgáfu hins valinkunna barnablaðs Vorsins árið 1932 og ritstýrði því um áratugaskeið. Þá var hann einnig mikilvirkur rithöfundur, skrifaði fjölmargar barnabækur og þýddi, auk þess sem hann birti fjölmargar sögur í Vorinu.
Húsið taldist lengi vel standa við Páls Briemsgötu, enda þótt ljóst væri, að sú gata yrði ekki lögð. Var fyrirhuguð götulína löngu lögð undir hús og lóðir þegar götuheiti og númeri var formlega breytt í Hrafnagilsstræti 12, haustið 1961. Hrafnagilsstræti 12 er reisulegt hús og í mjög góðri hirðum nánast óbreytt frá upphaflegri gerð að ytra byrði. Í Húsakönnun Minjasafnsins á Akureyri, sem unnin var 2016, er húsið metið með hátt eða 7. stigs varðveislugildi vegna byggingar- og menningarsögulegs gildis. Myndin er tekin 27. október 2019.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir