Hús vikunnar: Gamli Skóli v. Eyrarlandsveg
Gamli Barnaskólinn, sem var umfjöllunarefni síðustu viku hýsti í tvo vetur (1902-04) Gagnfræðaskólann sem starfræktur var á Möðruvöllum í Hörgárdal árin 1880 til 1902. Haustið 1904 fluttist skólinn í nýtt og veglegt skólahús á brún Brekkunnar. Um var að ræða eitt stærsta timburhús Akureyrar fyrr og síðar. Nú kallast húsið Gamli Skóli eða einfaldlega Menntaskólinn og er eins konar einkennisbygging Menntaskólans á Akureyri.
Gamli Skóli, sem telst standa við Eyrarlandsveg 28, er háreist, tvílyft timburhús á háum steyptum kjallara og með háu risi. Húsið skiptist í þrjár álmur; suður og norðurálma snúa stöfnum austur-vestur og miðálma milli þeirri snýr norður-suður. Þrjár burstir, norðanmegin, sunnanmegin og fyrir miðju, allar prýddar útskornu skrauti. Húsið er allt bárujárnsklætt og krosspóstar eða margskiptir póstar í gluggum.
Yfirsmiður við byggingu skólahússins var Sigtryggur Jónsson timburmeistari. Verksamningur við byggingarmeistara var undirritaður í lok apríl en skóli settur í húsinu þann 1. október. Á upphafsárum þótti nokkuð bera á, að húsið væri óþétt og héldi illa vatni og vindum og mæddi t.d. sérlega mikið á suðurhliðinni í slagviðrum. Á árunum 1920-25 voru gerðar endurbætur á skólahúsinu m.a. sett í það raflýsing og miðstöðvarhitun. Þá var það allt járnklætt og fékk þá það útlit sem það hefur síðan. Um áratugaskeið voru í skólanum auk kennslustofa, mötuneyti, heimavist og íbúð skólameistara (síðar íbúð ráðsmanns). Kennsla hefur farið fram í húsinu óslitið í 116 vetur.
Á síðari hluta 20. aldar risu fleiri byggingar á lóð Menntaskólans; heimavistarhús upp úr 1950 og veglegt raungreinahús, Möðruvellir 1969. Árið 1996 reis byggingin Hólar og tengir hún saman Möðruvelli og Gamla Skóla. Hólar tengjast Gamla Skóla vestanmegin um langan gang, og taka þar brakandi fjalir við af nýmóðins steyptum gólfum. Gamli Skóli var friðlýstur árið 1977 með svokallaðri B-friðun. Myndin er tekin þann 6. mars 2010.
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir