Höfum gert okkar besta til að mæta væntingum sem flestra"
Nýtt starfsár í Menningarhúsinu Hofi hófst þann 1. ágúst og hefur fyrri hluti starfsársins gengið vel eftir því sem fram kemur í fréttatilkynningu frá félaginu. Þar segir að líkt og fyrri ár hafi fjölbreytileikinn ráðið ríkjum í dagskránni og áhersla hafi verið á að ná til fjölbreyttra hópa í gegnum sem flestar greinar menningarlífsins. Eins og undanfarin ár hafi aðsókn verið afbragðs góð.
Reksturinn í haust hafi jafnframt gengið vel en félagið hefur frá upphafi skilað hallalausum rekstri. Eins og kunnugt er tók Menningarfélag Akureyrar við rekstri Menningarhússins Hofs nú um áramótin þegar fimmta starfsár hússins er hálfnað. Hingað til hefur reksturinn verið í höndum Menningarfélagsins Hofs en það félag, Leikfélag Akureyrar og Sinfóníuhljómsveit Norðurlands hafa nú sameinað krafta sína í Menningarfélagi Akureyrar. Menningarfélagið Hof hefur annast rekstur hússins frá opnun þess árið 2010 en árin tvö þar á undan var það verkefni félagsins að annast undirbúning á rekstri þess og móta í samstarfi við Akureyrarbæ stefnu hússins, rekstrarfyrirkomulag, áherslur í starfsemi og annað sem að skipulagi starfseminnar kom.
Ingibjörg Ösp Stefánsdóttir framkvæmdastjóri Menningarfélagsins Hofs segir árangur á fyrri hluta ársins vera mikið ánægjuefni í ljósi þess að samhliða góðum rekstrarárangri sé aðsóknin stöðugt að aukast, ímyndin mælist sterk og að ánægja starfsfólks, listamanna og gesta hafi verið mikil. Ingibjörg Ösp sóttist ekki eftir störfum hjá nýju félagi en auk hennar láta þær Lára Sóley Jóhannesdóttir og Þórgunnur Oddsdóttir af störfum sem verkefnastjórar í Hofi.
Við höfum gert okkar besta til að mæta væntingum sem flestra og höfða til ólíkra markhópa í Hofi um leið og við höfum vandað til verka í allri umsýslu, segir Ingibjörg Ösp. Þessi góði árangur er hvorki tilviljun né heppni, heldur fyrst og fremst afrakstur metnaðarfullrar og agaðrar vinnu öflugs starfsmannahóps sem hér hefur unnið frá því Menningarhúsið var á byggingarstigi. Og nú þegar nýtt fólk tekur við keflinu, vil ég óska þeim góðs gengis og vona að áframhaldandi birta umlyki starfsemi Hofs á komandi misserum.
Þórleifur Stefán Björnsson stjórnarformaður Menningarfélagsins Hofs segist ánægður með að geta skilað af sér jafn öflugri og blómlegri starfsemi og raun ber vitni til nýs félags. Í Menningarfélagi Akureyrar eru mikil tækifæri þar sem saman koma kraftar þriggja félaga. Hann segist vonast til að áfram verði vandað til verka og að það gleymist ekki að þrátt fyrir sameinaða krafta sé einingin lítil og áfram verði að gæta þess að aðlaga starfsemina að þeim markaði sem félagið starfar á og þeim fjárhagsramma sem því er skapaður.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
