„Höfum áhyggjur af því að ferðamannastaðir hér á svæðinu dragist aftur úr“
Arnheiður Jóhannsdóttir, framkvæmdastjóri Markaðsstofu Norðurlands
Eins og greint var frá í Vikublaðinu fyrir skemmstu úthlutaði Lilja Dögg Alfreðsdóttir, ferðamála, menningar- og viðskiptaráðherra úr Framkvæmdasjóði ferðamannastaða árið 2022. 54 verkefni hlutu styrki og voru þar einungis tvö verkefni af Norðurlandi eystra.
Alls var úthlutað 584 milljónum króna en hæsti einstaki styrkurinn er 55 milljónir kr. Framkvæmdasjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.
Enn virðist stór hluti fjármagns rata á Suðurlandið þrátt fyrir háværar raddir um betri dreifingu ferðamanna um landið. Ætla má að með auknu millilandaflugi um Akureyrarflugvöll að fjöldi ferðamanna aukist á svæðinu. Það sé því brýnt að innviðir ferðaþjónustunnar geti tekið við þeim.
Hallar á ferðaþjónustuna á svæðinu
Arnheiður Jóhannsdóttir, framkvæmdastjóri Markaðsstofu Norðurlands segir í svari til Vikublaðsins að verulega halli á ferðaþjónustuna á Norðurlandi eystra í þessari úthlutun.
„Eins og áður fer stærsti hluti styrkjanna á fjölsóttustu staðina sem er þvert á það sem þarf ef á að byggja upp sjálfbæra ferðaþjónustu,“ segir Arnheiður og bætir við að fundað verði um þetta í stjórn MN og brugðist verði formlega við í kjölfarið.
„Við gerðum mjög harkalegar athugasemdir við þáverandi ferðamálaráðherra í fyrra vegna Vörðuverkefna og hefði maður vonað að það yrði ekki áframhald á því að horfa framhjá þeirri uppbyggingu sem þarf að eiga sér stað hér á Norðurlandi,“ segir Arnheiður enn fremur.
Hún segir hlutfall styrkjanna sem rata á Norðurland eystra ekki vera í neinu samræmi við umfang ferðaþjónustunnar á svæðinu og þörf fyrir uppbyggingu.
Áhyggjur af afturför
„Það sem er jákvætt er að núna kom töluvert meira í hlut Norðurlands vestra en áður en sá landshluti hefur verið útundan síðustu ár. Mikil vinna hefur átt sér stað í sveitarfélögunum varðandi forgangsröðun verkefna í áfangastaðaáætlun og ættu verkefni að fá úthlutanir í samræmi við það ef umsóknir eru að skila sér. Fjármagn er að skila sér í gegnum Framkvæmdasjóðinn og Landsáætlun auk þess sem verkefninu Vörður fyrirmyndaráfangastaðir var bætt inn á síðasta ári og þá eingöngu úthlutað á einu landsvæði. Við höfum gert formlegar athugasemdir við þetta og höfum áhyggjur af því að ferðamannastaðir hér á svæðinu dragist aftur úr í uppbyggingu ef ekki skilar sér aukið fjármagn og ef vinsælustu ferðamannastaðirnir njóta sérstaks forgangs í uppbyggingu þar sem samkeppnishæfni þeirra batnar þá og þar með eykst ásókn í þá á meðan við erum að berjast við að byggja upp hér á svæðinu,“ segir Arnheiður að lokum.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir