Hlúð verði að réttindum barnanna í samfélaginu
Stjórnvöld þurfi að tryggja það að börn verði ekki skilin frá öðru foreldri sínu í kjölfar skilnaða, lagaúrræðin séu til staðar en því miður hafi þeim ekki verið beitt af yfirvöldum eins og lög heimila. Ennfremur segir í tilkynningunni: "Félagið upplýsir að því hafi undanfarna mánuði borist aukinn fjöldi fyrirspurna frá foreldrum sem eru að leita ráða og upplýsinga vegna deilna sem þeir standa í við fyrrverandi maka um sameiginleg börn þeirra. Þau stjórnvöld sem stýra munu hinu „Nýja" Íslandi eftir kosningarnar þurfa að tryggja það að sýslumenn og barnaverndaryfirvöld setji börnin í forgrunn í málum um forsjá og umgengni og hart verði tekið á því að foreldri hafi í frammi órökstudduar ásakanir á hendur hinu foreldrinu til að ná sér í stöðu í viðkvæmri deilu. Þá á það að vera forgangsverkefni stjórnvalda að útrýma því að hægt sé að komast upp með að beita börnum fyrir sig í deilum sem þessum.
Yfirvöld eiga hér stærsta sök á því hvernig komið er, með því að viðhafa tilviljanakennda, ógegnsæja og misvísandi málsmeðferð í þessum málaflokki og með því að draga mál á langinn. Þessi óafsakanlega framkvæmd hefur valdið miklum og óþarfa sálarhvölum fyrir mikinn fjölda barna, foreldra og fjölskyldur. Félag ábyrgra foreldra á Akureyri bendir á að í úrskurðum um dagsektir vegna umgengnistálmana nýta sýslumenn ekki þann lagaramma sem til staðar er nema að litlu leyti (0-30 þús. kr. á dag). Sýslumenn úrskurði almennt sektir aðeins 3-7 þúsund kr. á dag og hámarks dagafjöldi eru 100 dagar, burtséð frá því hvað tálmanir standa lengi. Þetta þýðir að foreldri sem brýtur gegn umgengngisrétti barns síns færi aldrei hærri sekt en 300-700 þúsund krónur. Það foreldri sem þola þarf tálmanirnar þarf á sama tíma alltaf að standa skil á meðlagi til hins brotlega foreldris.
Félag ábyrgra foreldra bendir á að þessar sektir séu alltof lágar og nokkur dæmi eru um það undanfarna mánuði að foreldri sem fengið hefur slíkar sektir hafi einfaldlega greitt þær til ríkissjóðs, þrátt fyrir að sektarfjárhæð hafi átt að vera brotlega foreldrinu íþyngjandi miðað við framlögð skattframtöl og viðmiðunarreglur sýslumanna. Félag ábyrgra foreldra bendir einnig á að sýslumenn hafa ekki úrskurðað hærri dagsektir en 15 þúsund kr. á dag í 100 daga þrátt fyrir að um úrskurð númer tvö hafi verið að ræða og foreldrið hafi ekki látið af tálmunum við fyrsta dagsektarúrskurð heldur greitt þær sektir frekar en að láta af tálmununum. Það er óásættanlegt að lagaframkvæmd sýslumanna taki ekki mið af grundvallarréttindum barnanna og tryggi þeim ekki það líf sem þau eiga rétt á.
Þau stjórnvöld sem verða við völd eftir kosningar verða að gera það að einu forgangsverkefna sinna að koma á eðlilegri og gegnsærri framkvæmd í sifjamálum hjá sýslumönnum svo tryggt verði að réttindi barna verði ekki fótum troðin áfram eins og viðgengist hefur hér á landi alltof lengi."
Nýjast
-
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu.