Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
„Haukur Tryggvason og hans góða fólk á Græna hattinum á heiður skilinn fyrir sitt öfluga starf sem þau hafa haldið út svo lengi og þar með auðgað menningar- og tónlistarlíf Akureyringa,“ segir Friðrik Sturluson einn Klaufanna. Og loks, á laugardeginum 3. maí spila Klaufarnir í júróvisjon- og hvalaskoðunarbænum Húsavík 3. maí, á Gamla Bauk.
„Þessir staðir eiga sérstakan stað í hjarta okkar, margar góðar minningar tengdar miðnætursólinni á Akureyri og fyrir norðan, mörg ógleymanleg böllin sem voru spiluð þar í „gamla daga“. Við félagarnir höfum alltaf fengið góðar móttökur fyrir norðan og veðrið virðist í ofanálag alltaf vera gott og stemmingin eftir því.“
Kántrýskotið popp
Hljómsveitin Klaufar var stofnuð árið 2006, og spilar kántrýskotið popp, í byrjun mest þekkt ábreiðulög, en nú síðustu árin einnig frumsamin lög. Í hljómsveitinni eru þeir Birgir Nielsen trommari, mörgum kunnur sem meðlimur hljómsveitanna Vinir vors og blóma og Lands og sona, Guðmundur Annas Árnason, söngvari og gítarleikari, úr hljómsveitinni Soma sem átti smellinn "Grandi Vogar" og er nú líka í hljómsveitinni Fjöll, Sigurgeir Sigmundsson gítarleikari og stálgítarleikari, margreyndur í bransanum með hljómsveitum á borð við Start og Gildruna. Sagt er að Sigurgeir sé einn fremsti stál-gítarleikari Evrópu og þó víðar væri leitað. Friðrik Sturluson bassaleikari gekk síðan til liðs við hljómsveitina árið 2011, en hann er kannski þekktastur fyrir að vera bassaleikari hljómsveitarinnar Sálin hans Jóns míns og sú hljómsveit kom reglulega til Akureyrar á blómatíma sínum.
Frumsamin tónlist með vönduðum textum
Klaufar hafa gefið út þrjár hljómplötur eða geisladiska, „Síðasti mjói kaninn“, „Hamingjan er björt“ og „Óbyggðir“. Af þessum plötum náðu vinsældum lögin Búkalú, Annar maður, Lífið er ferlega flókið, Ást og áfengi og fleiri.
Á seinni árum hafa Klaufar færst meira yfir í að spila frumsamda tónlist með vönduðum textum. Þeir hafa m.a. sent frá sér lögin Þessi eina sanna, Ef allt gengur að óskum og nú síðast ballöðuna Fólk. „Við hlökkum mikið til að koma norður og lofum góðri stemningu.“ segir Friðrik.
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
