Hjartavernd Norðurlands styrkir kaup á hjartaómtæki
Fulltrúar Sjúkrahússins á Akureyri og Hjartaverndar Norðurlands við nýju hjartaómtækin.
Tvö ný og fullkomin hjartaómtæki hafa verið tekin í notkun á Sjúkrahúsinu á Akureyri. Gjafasjóður hjartalækninga á FSA gaf annað tækið en hitt tækið gáfu Hjatavernd Norðurlands og Gjafasjóður hjartalækninga saman. Fulltrúum Hjartaverndar Norðurlands var boðið í heimsókn á Sjúkrahúsið á Akureyri í vikunni, þar sem tækið var afhent formlega. Bjarni Jónasson forstjóri FSA sagði að stofnunin hefði verið þeirrar gæfu aðnjótandi um margra ára skeið, að eiga að góða aðila, sem hafi gaukað að spítalanum fjármunum til tækjakaupa, eða gefið tæki. Slíkt væri ómetanlegt fyrir þá starfsemi sem þar fer fram.
Hjartavernd Norðurlands lagði fram sjö milljónir króna til tækjakaupanna og sagði Ólafur Oddsson svæfingalæknir að um væri að ræða risagjöf frá litlu félagi. Hann sagði að góður tækjabúnaður á spítalanum skipti miklu máli og að það hefði líka áhrif þegar verið væri að reyna að lokka að starfsfólk og eins til að halda því starfsfólki sem fyrir er.
Snæbjörn Þórðarson formaður Hjartaverndar Norðurlands afhenti gjöfina formlega fyrir hönd félagsins. Hann sagði að félagið hefði ekki haft fjármagn til þessara kaupa ef ekki hefði komið til velvilji hjónanna Margrétar Halldórsdóttur og Tryggva Jónssonar en Margrét gaf andvirði íbúðar sinnar við Víðilund til miningar um mann sinn. Munu því væntanlegir notendur tækisins eiga þeim sæmdarhjónum mikið að þakka fyrir þeirra framlag. Það er von okkar hjá Hjartavernd Norðurlands að tækið komið að góðum notum og eigi jafnvel eftir að bjarga mannslífum, sagði Snæbjörn.
Í ár mun Heilsugæslan á Akureyri einnig fá styrk frá félaginu, til kaupa á tölvustýrðum blóðþrýstingsmælum fyrir hvern lækni stöðvarinnar. Einnig styrkir Hjartavernd Norðurlands hjúkrunarfræðing í meistaranámi við Háskólann á Akureyri. Samtals eru því styrkir til þessara þörfu verkefna um 9 milljónir króna.
Félagið Hjartavernd Norðurlands var stofnað þann 12. maí 1964. Helstu markmið félagsins hafa verið að fræða fólk um æða- og hjartasjúkdóma og varnir við þeim. Á þessari tæplega hálfu öld hefur félagið eitt, eða með öðrum félögum keypt lækningatæki fyrir Heilsgæsluna á Akureyri og Sjúkrahúsið á Akureyri. Komið að stofnun Endurhæfingastöðvar hjartasjúklinga á Bjargi og staðið fyrir rannsóknum á heilsu kvenna á Akureyri og í Hafnarfirði svo eitthvað sé nefnt.
Nýjast
-
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“