Hilda Jana tilnefnd sem þróunarleiðtogi bæjarráðs
Hilda Jana Gísladóttir Samfylkingu hefur verið tilnefnd sem þróunarleiðtogi bæjarráðs samkvæmt mannréttindastefnu sveitarfélagsins.Þetta kom fram á fundi bæjarráðs.
Þrír fulltrúar minnihlutans í bæjarstjórn, Hilda Jana, Jana Salóme Ingibjargar Jósepsdóttir, V- lista og Sunna Hlín Jóhannesdóttir B-lista bókuðu á fundinum að hlutverk þróunarleiðtoga væri viðamikið og fæli í sér mikla ábyrgð við að fylgja sérstaklega eftir lögbundnum verkefnum sveitarfélaga samkvæmt jafnréttislögum og verkefnum mannréttindastefnu sveitarfélagsins.
„Þróunarleiðtogar eiga að vera málsvarar kynjasamþættingar og mannréttinda og tileinka sér innsýn og þekkingu á mannréttindum. Þeirra verkefni er m.a. að vinna að samþættingu mannréttindasjónarmiða í fjárhagsáætlun og stefnumótun, fylgja eftir funda- og fræðsluáætlun hvers árs og styðja starfsfólk í mannréttindastarfi. Þá ættu þróunarleiðtogar í samstarfi við formann bæjarráðs að leiða endurskoðun mannréttindastefnunnar,“ segir í bókun þeirra.
Vegna umfangs starfsins telja þær eðlilegt að greitt sé fyrir vinnu þróunarleiðtoga „og er tillaga okkar að um sé að ræða 1% á mánuði og yrði bætt við reglur um launakjör og starfsaðstöðu bæjarfulltrúa og nefndarmanna hjá Akureyrarbæ.“
Nýjast
-
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni.
Athugasemdir