Hækkun á gjaldskrá kemur harðast niður á efnaminni fjölskyldum
Akureyri á fallegum degi Mynd gn
„Engar hugmyndir hafa komið fram sem miða að því að hlífa tekjulágum, öldruðum, öryrkjum eða einstæðum foreldrum við skörpum verðhækkunum,“ segir í bókun sem Hilda Jana Gísladóttir bæjarfulltrúi Samfylkingar lagði fram á fundi bæjarstjórnar Akureyrar á þriðjudag. Hún ákvað að taka til umræðu á fundinum yfirvofandi gjaldskrárhækkanir í tengslum við gerð fjárhagsáætlunar fyrir næsta ár, „í þeirri von að hafa áhrif á það hvernig gjaldskráin verður samþykkt að lokum,“ segir hún.
Fram kemur einnig að hugmyndir og tillögur um almenna 10% hækkun á gjaldskrám Akureyrarbæjar fyrir árið 2023 endurspegli ekki hugmyndir um að gæta sérstaklega að hagsmunum barnafjölskyldna og tekjulágra hópa. Þó svo horft sé til þess að grunngjald leikskóla standi í stað, hækki fæðiskostnaður og þar með heildarreikningur foreldra og forráðamanna, 10% hækkun á fæðisgjaldi í grunnskólum og vistun komi harðast niður á efnaminni fjölskyldum. „Að óbreyttu verður ótækt að samþykkja gjaldskrá Akureyrarbæjar fyrir árið 2023.“
Hilda Jana benti á fundi bæjarstjórnar í vikunni á að í aðdraganda kosninga á liðnu vori hefði eitt stærsta og sýnilegasta kosningaloforð Sjálfstæðisflokksins verið loforð um gjaldfrjálsa leikskóla, L – listinn hefði talaða um að lækka leikskólagjöld í skrefum og Miðflokkurinn talað um nauðsyn þess að leik- og grunnskólabörnum efnaminni foreldra væru tryggðar skólamáltíðir.
Forgangsmál að vinna að auknum jöfnuði
Nefndi Hilda Jana umræður sem verið hafa í hópnum „Matargjafir á Akureyri og nágrenni“ á Facebook þar sem fram kemur að beiðnir um aðstoð streyma inn og sumir foreldrar eigi ekki fyrir nesti í skólann fyrir börn sín, ástandið sé að snarversna. „Ríkisvaldið ber að sjálfsögðu mikla ábyrgð á þessari stöðu, hins vegar geta sveitarfélög ekki látið eins og þetta komi þeim ekki við,“ sagði Hilda Jana. Það ætti að vera forgangsmál bæjarstjórnar Akureyrarbæjar að vinna að auknum jöfnuði, vitað væri að ákveðnir hópar væru í erfiðari stöðu en aðrir og hægt að taka ákvarðanir út frá þeirri vitneskju til að jafna stöðuna.
Öll útfærslan er eftir
Halla Björk Reynisdóttir formaður bæjarráðs Akureyrarbæjar segir vinnu við fjárhagsáætlun vera í fullum gangi og enn hafi engar tillögur verið gerðar um gjaldskrá.
Öll útfærsla sé eftir en almennt sé gengið út frá því að gjaldskrá fyrir mat í skólum verði þannig að ekki sé rukkað fyrir annað en grunnkostnað og sama megi segja um frístund. Áhugi sé hins vegar fyrir því að útfæra leikskólagjöld með þeim hætti að um raunlækkun verði að ræða. „Útfærsla fræðslu- og frístundaráðs liggur enn ekki fyrir og því ekki tímabært að ræða þetta nánar,“ segir hún.
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir