Hér byrja jólin í október
Ingólfur Jóhannsson framkvæmdastjóri Skógræktarfélags Eyfirðinga í óða önn að
höggva jólatré í snævi þöktum skóginum.
Þessa dagana er starfsfólk Skógræktarfélags Eyfirðinga í óða önn að höggva fyrstu jólatrén og segir Ingólfur Jóhannsson framkvæmdastjóri SE að mikill hugur sé meðal verslunareigenda og fyrirtækja að vera klár með trén áður en aðventa gengur í garð.
„Það verður æ algengara einstaklingar og húsfélög nýti sér einnig okkar þjónustu, að fá heim að dyrum fullskreytt jólatré með ljósum og helst í nóvember, þannig að þau standi við híbýlin og lýsu upp skemmdegið sem nú fer í hönd,“ segir Ingólfur.
Sala jólatrjáa mikilvæg
Herðbundin sala á jólatrjám hefst í byrjun desember í Kjarna en SE býður fólki einnig að höggva eigin heimilisjólatré í Laugalandsskógi á Þelamörk. „Sala jólatrjáa er afar mikilvæg fyrir Skógræktarfélagið og er undirstaða þess að við getum haldið úti þjónustu eins og að troða snjó fyrir gönguskíðafólk, búa til leiksvæði og öll önnur umsýsla með okkar skóglendur, í Kjarnaskógi og víðar,“ segir hann.
Heimafengið er hollt
Ingóflur segir drjúgan hluta þeirra jólatrjáa sem félagið selur fyrir hver jól koma úr eigin skógum, „en vð njótum einnig aðstoðar jólatrjáabænda á svæðinu til að anna vaxandi eftirspurn eftir jólatrjám og til að halda uppi gæðum trjánna sem í boði eru. Við bjóðum eingöngu upp á íslensk jólatré til að verjast plöntusjúkdómum og lágmarka kolefnisspor, engin eiturefni eru notuð við ræktun og svo er líka heimafengið bara svo hollt.“
„Pínu keppnis“
Ingólfur segir að meðal verslunareigenda á Akureyri sé „pínu keppnis“ um hver komi upp flottustu skreytingunni og hver ríði á vaðið og sé fyrstur að setja upp. „Þetta árið er það hann Jón í JMJ/Joes sem varð fyrstur til, hann var mættur til okkar í september til að undirbúa sig sem best. Hann ætlaði svo sannarlega ekki að missa af lestinni. Vissulega fær Jón fyrstu trén frá okkur en keppnin um best skeyttu verslunina er vart hafin enn. Við bíðum bara spennt.“
Nýjast
-
Bókarkynning - Riðið í strauminn með Hermanni Árnasyni
Út er komin hjá Bókaútgáfunni Hólum bókin Með frelsi í faxins hvin – riðið í strauminn með Hermanni Árnasyni, sem Hjalti Jón Sveinsson hefur skráð. Allt hestafólk, hvar svo sem á landinu það býr, kannast við hestafrömuðinn Hermann Árnason á Hvolsvelli. Hann hefur stundað hestamennsku frá blautu barnsbeini og hafa tamning hrossa og meðferð þeirra, auk hestaferða, verið hugsjón hans alla tíð. Sum verkefni hans hafa verið hans eru með ólíkindum, eins og Vatnareiðin 2009 þegar hann reið, ásamt félögum sínum, yfir allar ár sem á vegi þeirra urðu frá Höfn í Hornafirði og vestur fyrir Hvítá í Árnessýslu. Að sjálfsögðu er sagt frá því ferðalagi í bókinni og einnig er fjallað Stjörnureiðina svokölluðu sem Hermann skipti í tvo 40 daga leiðangra, árin 2016 og 2018, og reið þá þvers og kruss yfir landið, á þann hátt að ferðirnar mynduðu orðið stjörnu þegar hann fór af hestbaki í lokin hennar. Þá segir frá Flosareiðinni 2016 þegar Hermann og tveir félagar hans riðu í spor Flosa í því skyni að sannreyna frásögn Njálssögu. Hér á eftir verður gripið niður í þá frásögn -
Vinnumálastofnun með viðveru á Húsavík
Vinnumálastofnun mun á næstu vikum hafa aukna viðveru á Húsavík. Starfsfólk þeirra mun hafa aðstöðu á Skrifstofu stéttarfélaganna, Garðarsbraut 26, venju samkvæmt. -
Norðurþing - Jólabærinn minn, viltu taka þátt?
Það verður sannkölluð jólastemming í Norðurþingi alla aðventuna! Fyrirtæki, íbúar og stofnanir eru hvött til standa fyrir viðburðum eða uppákomum til að koma íbúum, sem og gestum og gangandi, í jólaskapið. -
Sæfari siglir á ný
Sæfari hefur hafið siglingar á ný milli Dalvíkur og Grímseyjar eftir að hafa verið í slipp allan október vegna viðhalds. Fyrsta áætlunarferðin er í dag, með siglingu til Hríseyjar, og á morgun fer fyrsta ferðin til Grímseyjar eftir hléið. -
Þegar veikindi mæta vantrú
Það er fátt sem reynir meira á mann en að verða veikur, nema kannski að upplifa að manni sé ekki trúað. Þegar líkaminn bregst, en samfélagið virðist efast. Þegar fólk sem stendur í daglegu stríði við orkulítið líf og stöðug hjartsláttarónot finnur að kerfið sér það ekki. -
„Sofðu rótt í alla nótt“– Um stöðu íslenskunnar, lestrarmenningu og ákall til okkar sjálfra
Hvenær verður vandi að krísu? Að íslensk leikskólabörn séu æ oftar farin að spjalla sín á milli á ensku, telja á ensku, þekkja litina á ensku: Vandi eða krísa? Að nærri helmingur drengja geti ekki lesið sér til gagns: Vandi eða krísa? Að Ísland sé neðst Norðurlanda þegar kemur að lesskilningi nemenda, og að staðan sé sú að fá þátttökuríki PISA hafi lækkað jafnmikið frá síðustu aldamótum: Vandi eða krísa? -
Bakþankar bæjarfulltrúa - Afsakið kemst ekki á fundinn
Ég biðst afsökunar á því að komast ekki á fundinn núna á fimmtudaginn. Þar hefði ég sannarlega viljað vera og heyra álit ykkar á skipulagsmálum. Ekki síst þeirri þéttingarstefnu sem bæjaryfirvöld hafa sett á oddinn nú um alllangt skeið. -
Jóhannes Geir frá Öngulsstöðum hlaut viðurkenningu fyrir störf í þágu ferðaþjónustu
Jóhannes Geir Sigurgeirsson frá Öngulsstöðum í Eyjafjarðarsveit hlaut viðurkenningu fyrir störf í þágu ferðaþjónustu á uppskeruhátíð ferðaþjónustunnar á Norðurlandi sem haldin var í Skagafirði nýverið. -
Bágt ástand malarvega
Alvarlegt ástand malarvega í Þingeyjarsveit var til umræðu á fundi sveitarstjórnar á dögunum, en á þessu kjörtímabili hefur sveitarstjórn bókað þrisvar sinnum um bágt ástand þeirra.
