Heimsóknabann á öllu deildum HSN á Húsavík
Á laugardag sl. voru staðfest tvö Covid smit á sjúkradeild sjúkrahússins á Húsavík en tveir sjúklingar fengu jákvæða niðurstöðu úr sýnatöku. Ásgeir Böðvarsson yfirlæknir á sjúkrasviði HSN á Húsavík sagði í samtali við Vikublaðið á mánudag að gripið hafi verið til aðgerða og unnið væri úr stöðunni. „Viðbrögðin voru þau að sjúklingarnir voru sendir til Akureyrar þar sem Covid-deildin er starfandi á Norðurlandi. Annar sjúklinganna þurfti lyf sem við höfðum ekki; sérstakt covid lyf. Svo höfum við svo sem stefnt að því að safna einstaklingum saman enn sem komið er á þessa tvo staði; Landspítala og SAk,“ sagði Ágeir.
Ásgeir sagði að viðbrögð við ástandinu hafi gengið vel fyrir sig og hvorugur sjúklinganna í lífshættu. „Hvorugur þessara einstaklinga voru bráðveikir en fundu fyrir talsverðum einkennum,“ útskýrði hann og bætti við að smitrakning hafi staðið yfir um helgina. „Strax á laugardag hófst heilmikil vinna sem stóð yfir um helgina við að rekja hvort þessi smit næðu til annarra einstaklinga. Það voru tekin sýni á laugardag, sunnudag og á mánudag. Niðurstaðan var að engin staðfest smit hafa bæst við þessi tvö sem við vorum með á deildinni.“
Stoppa umgang á milli deilda
Í kjölfar smitanna var tekin ákvörðun um að loka alveg fyrir heimsóknir á öllum deildum sjúkrahússins og á dvalarheimilinu Hvammi. „Við stoppuðum jafnframt allan samgang á milli sjúkradeildar, hjúkrunardeildanna og heilsugæslunnar. Flest annað gengur sinn vanagang, annað en það að fólk getur ekki komið í heimsóknir. Við eigum erfitt með að nota sjúkradeildina núna sem innlagnadeild því við verðum að halda henni í biðstöðu á meðan við bíðum eftir niðurstöðum úr síðustu sýnatökunni sem verður að taka á fimmtudag. Ef engin jákvæð sýni koma út úr því þá erum við orðin frí aftur,“ sagði Ásgeir.
Ekkert af starfsfólki spítalans hefur þurft að sæta einangrun eða sóttkví.
„Eins og staðan er í dag þá er engin í beinlínis í sóttkví. Við viljum bara ekki umgang á milli þessara deilda. Þessari deild sem gæti verið smituð. Nú er það orðið þannig að þeir sem eru þríbólusettir eða tvíbólusettir og hafa fengið Covid þeir fara hvort eð er ekki í sóttkví en það gildir annað inn á spítala þar sem fólk er ónæmisveiklað og við verðum halda hlífskildi yfir sjúkradeildinni á meðan við vitum ekki hvort hún er í smitástandi eða ekki,“ sagði Ásgeir að lokum.
Nýjast
-
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri.
Athugasemdir