15. maí - 23 maí - Tbl 20
Hefur áhyggjur af aðhaldsaðgerðum ríkisins
Fyrirhugað hjúkrunarheimili á Húsavík. Tölvumynd/Arkís arkítektar.
Í nýrri fjármálaáætlun til fimm ára boðar ríkisstjórnin aðhald í rekstri þar sem meðal annars er gert ráð fyrir því að framkvæmdir verða settar á ís. Þó er gert ráð fyrri því að haldið verði áfram með framkvæmdir sem þegar eru hafnar.
Þann 18. nóvember 2021 var fyrsta skóflustunga tekin að nýju 60 rýma hjúkrunarheimili á Húsavík. Jarðvegsframkvæmdir hófust strax í kjölfarið og var lokið í lok sama mánaðar. Síðan þá hefur ekkert gerst en þá vaknar spurningin: Eru framkvæmdir hafnar samkvæmt skilgreiningu ríkisins?
Aðspurður hvort aðhaldsaðgerðir ríkisins muni bitna á þessu verkefni viðurkennir Hjálmar Bogi Hafliðason, forseti sveitarstjórnar Norðurþings að hann hafi vissulega áhyggjur. „Að sjálfsögðu höfum við áhyggjur af því en við höfum engin merki fengið frá ríkinu um að það eigi að hætta við þessa framkvæmd,“ segir hann og veltir því fyrri sér hvort ríkið geti verið að meina að þessi framkvæmd verði mögulega sett á ís.
„Við erum alveg búin að varpa fram þeim bolta og spyrja hvort ríkið sé að meina eins og þessa framkvæmd. Því það fylgdi líka að það á ekki að stoppa framkvæmdir sem þegar eru hafnar. Ég myndi segja að þessi framkvæmd sé svo sannarlega hafin og meira að segja fyrri löngu og ekkert gerst síðan. Við verðum bara að viðurkenna það að farið var fram úr sér í þessu verkefni . Nú þurfum við bara að ná þeim stað að komast áfram. Svo þurfum við að hugsa plan „B“ og við erum alveg farin að hugsa það. Við erum með það í spilunum hjá okkur,“ segir Hjálmar en vill ekki fara nánar út í innihald þessarar varaáætlunar en segir að framkvæmdin sé ákaflega dýr og lætur að því liggja að fara mætti ódýrari leið.
Tímalínan orðin skökk
Hjálmar Bogi segir að samkvæmt upphaflegu plani hefði útboðsferli vegna framkvæmdanna átt að vera hafið. Svo er ekki.
„Auðvitað er tímalínan löngu orðin skökk og kannski þurfum við að endurskoða hvar við erum yfir höfuð á henni. Er boltinn hjá ríkinu eða hjá sveitarfélögunum? Við teljum að boltinn sé hjá ríkinu, hjá heilbrigðis og fjármálaráðuneytinu. Okkur skilst að það sé enn verið að reikna út kostnaðarskiptingu sem við héldum að lægi fyrir. Það stendur nefnilega ekkert á sveitarfélögunum að taka þátt í þessu þó svo að við séum að krefjast þess að fá að vita hvernig hlutirnir eru og fá aðkomu að því hvernig er verið að vinna hlutina,“ segir Hjálmar Bogi og leggur áherslu á að fyrst og síðast snúist málið um þjónustu við aldraða.
Nýjast
-
Ferðalag traktors út í Flatey á Skjálfanda
Það er meira en að segja það að flytja traktor út í eyju -
Orkuskipti í samgöngum á Akureyri fara vel af stað
„Við höfum séð örlítil merki þess undanfarin ár að raforkunotkun er að potast aðeins upp á við,“ segir Stefán H. Steindórsson sviðsstjóri hjá Norðurorku. Raforkunotkun á Akureyri hefur staðið í stað um árabil þó svo að bærinn hafi stækkað og íbúum fjölgað. -
Ingvi Quartet, með tónleika á LYST í Lystigarðinum í kvöld
Kvartett Ingva Rafns Ingvasonar, Ingvi Quartet, heldur tónleika á LYST í Lystigarðinum í kvöld og hefjast tónleikarnir kl 20.30. -
Frumkvöðla- og nýsköpunarfélaginu Drift EA ýtt úr vör
Fjölmenni var á kynningarfundi frumkvöðla- og nýsköpunarfélagsins Driftar EA, sem haldinn var í menningarhúsinu Hofi á Akureyri í gær -
Útskrifast sem rafvirki og fagnar hálfrar aldar afmæli!
Það er aldrei of seint að skella sér í nám og láta draumana rætast. Þetta eru skilaboð Andreu Margrétar Þorvaldsdóttur, sem mun útskrifast sem rafvirki frá VMA í næstu viku. Það er í mörg horn að líta fyrir Andreu þessa dagana því auk þess að ljúka náminu með formlegum hætti undirbýr hún sig núna af krafti fyrir sveinspróf í rafvirkjun í byrjun júní og einnig fagnar hún fimmtugsafmæli sínu nk. föstudag. Stórafmælis- og útskriftarveisla er því á dagskránni nk. laugardag. -
Opnun í Verksmiðjunni á Hjalteyri 18 maí kl 14:00 Sasha Pirker: Ég legg höfuðið í bleyti_I Soak My Head
Sasha Pirker lýsir upp Verksmiðjuna með úrvali kvikmyndainnsetninga og staðbundinni svörun við aðstæðum sem nær yfir síðustu tíu ár starfsferils hennar. Þessi verk bera vitni ekki aðeins víðtækri forvitni listamannsins og rannsóknartilfinningu, heldur eru þau einnig grundvölluð á bakgrunni hennar í málvísindum. Hugsun í gegnum tungumál, tilraunakennda frásögn, persónulegt og byggingarfræðilegt rými og möguleika, verk Sasha sýna næmni fyrir reynslu, þekkingu og skilningi. Þau eru stundum persónuleg eða viðkvæm og gefa þá tilfinningu að kvenlinsan sem kvikmyndir hennar verða og eru til í gegnum séu bæði hugsandi og óvænt, nýstárleg og umvefjandi. -
Samið um stækkun húsnæðis við VMA.
Í dag, föstudaginn 17. maí kl. 14.30 fer fram hátíðleg athöfn þar sem skrifað verður undir samning um stækkun á húsnæði skólans. Mennta- og barnamálaráðherra ásamt bæjarstjóranum á Akureyri og sveitarstjórum í Fjallabyggð, Dalvíkurbyggð, Eyjafjarðarsveit, Hörgársveit, Svalbarðsstrandarhreppi og Grýtubakkahreppi munu skrifa undir samning um byggingu 1500m2 húsnæðis við skólann. -
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum.
Athugasemdir