Haldið upp á fullveldisdaginn í Háskólanum á Akureyri
Þema keppninnar var Framtíðarsýn-Akureyri 2020 en sigurvegari keppninnar hlýtur þann heiður að hringja Íslandsklukkunni á morgun. Fyrsta sætið hlaut Viðar Guðbjörn Jóhannsson, Glerárskóla með söguna „á leið til hins betra". Annað sæti hlaut Sigurlaug Birta Helgadóttir, Brekkuskóla, með söguna „Framtíðarsýn 2020 - Enika" og þriðja sætið hlaut Ari Orrason Brekkuskóla með söguna „Framtíðarsýn 2020 - Klukkumálið". Alls bárust 78 sögur í keppnina.
Dagskráin á morgun, 1. desember, hefst á málstofu kl. 14.30-16.00 í hátíðarsal Háskólans á Akureyri N101 sem ber yfirskriftina Íslandsklukkan, framtíðin og sjálfstæðið. Katrín Jakobsdóttir mennta- og menningarmálaráðherra, flytur erindið Framtíð íslenskra háskóla. Njörður P. Njarðvík prófessor emeritus flytur erindið Mín klukka, klukkan þín, kallar oss heim til sín og Geir Kristinn Aðalsteinsson forseti bæjarstjórnar Akureyrar flytur erindið Akureyri í framtíðinni. Að lokinni málstofu eða klukkan 16.15 verður safnast saman við Íslandsklukkuna þar sem Stefán B. Sigurðsson rektor flytur ávarp og Viðar Guðbjörn Jóhannsson sigurvegari smásagnakeppninnar hringir Íslandsklukkunni 10 sinnum með aðstoð Jóhönnu Guðrúnar Magnúsdóttur formanns félags stúdenta við HA, stúdentar við HA munu bera logandi kyndla og lífga upp á svæðið. Að því loknu eða kl. 16.30 er öllum boðið í hátíðarsal Háskólans á Akureyri.
Þar verður boðið upp á kakó, kaffi og smákökur. Jafnframt fer fram sýning á smásögunum sem bárust í keppnina. Eiríkur Björn Björgvinsson bæjarstjóri mun ávarpa hátíðina og síðan mun hann og Stefán B. Sigurðsson rektor afhenda sigurvegurum smásagnakeppninnar sem lentu í fyrsta, öðru og þriðja sæti bókarverðlaun. Barnakór Akureyrarkirkju mun syngja nokkur lög undir stjórn Sigrúnar Mögnu Þórsteinsdóttur. Viðar Guðbjörn Jóhannsson sigurvegari smásögukeppninnar mun lesa upp vinningssöguna sína og Björn Þorláksson rithöfundur og bæjarlistamaður mun ræða við gesti og hvetja ungu kynslóðina til dáða. Skemmtileg og notaleg stemming mun einkenna hátíðina og eru allir hvattir til að mæta á hátíðarhöldin, gera sér glaðan dag og hefja jólamánuðinn á huggulegum nótum, segir í fréttatilkynningu.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.