Hagnaður Íslenskra verðbréfa 166 milljónir króna í fyrra

29. janúar, 2010 - 09:28 Fréttir
Hagnaður Íslenskra verðbréfa 166 milljónir króna í fyrra
Rekstur Íslenskra verðbréfa hf. á Akureyri skilaði 166 milljóna króna hagnaði eftir skatta á nýliðnu ári. Eignir í stýringu jukust um ríflega 25 milljarða á árinu og stýrir félagið nú 95 milljörðum króna fyrir einstaklinga, félagasamtök og fagfjárfesta. Viðskiptavinum félagsins fjölgaði töluvert á árinu og ber aukningin vott um trausta stöðu félagsins sem sérhæfðs eignastýringarfyrirtækis.  

Sævar Helgason framkvæmdastjóri Íslenskra verðbréfa segir í tilkynningu frá félaginu að hann sé  ánægður með afkomu félagsins á árinu 2009. „Við getum ekki annað en verið sátt við þessa niðurstöðu, ekki síst þegar horft er til þeirra breytinga sem orðið hafa á íslenskum fjármálamarkaði ." Að sögn Sævars felst styrkur félagsins í þeirri sérstöðu sem það hefur skapað sér og þeirri stefnu að vera hlutlaust og sérhæft eignastýringafyrirtæki.

„Starfsemi Íslenskra verðbréfa felst eingöngu í því að gæta hagsmuna viðskiptavina sinna en félagið stundar hvorki útlánastarfsemi né fjárfestir fyrir eigin reikning. Við erum eitt af fáum fjármálafyrirtækjum á Íslandi sem ekki hefur fengið ríkisaðstoð og erum með heilbrigðan rekstur og efnahag og skilum hagnaði við þessar erfiðu aðstæður."

Sævar bætir við að árið hafi verið mjög viðburðarríkt hjá Íslenskum verðbréfum, sem starfað hefur frá árinu 1987. „Í sumar var okkur treyst fyrir rekstri verðbréfasjóða sem áður voru starfræktir af Rekstrarfélagi SPRON hf. Við lögðum gríðarlega vinnu í að leysa það verkefni vel þannig að viðskiptavinir SPRON fyndu lítið fyrir breytingunni. Það virðist hafa tekist því langflestir þeirra hafa haldið tryggð við okkur og við sjáum m.a. aukningu í sjóðum á borð við Áskriftarsjóð ríkisverðbréfa."

Á árinu opnuðu Íslensk verðbréf skrifstofu í Reykjavík að Sigtúni 42 og þar eru nú tveir starfsmenn. „Við höfðum um nokkurt skeið íhugað að taka þetta skref og fundum fyrir miklum áhuga almennings og fagfjárfesta á höfuðborgarsvæðinu. Starfsemin hefur farið vel af stað og stendur til að fjölga starfsmönnum þar ef svo fer fram sem horfir."

Íslensk verðbréf voru stofnuð árið 1987 og eru sérhæft eignastýringarfyrirtæki sem sinnir viðskiptavinum um land allt. Starfsmenn eru 21 talsins og kjarni þeirra hefur starfað hjá félaginu í 10 ár eða lengur.

Höfuðstöðvar félagsins eru að Strandgötu 3, Akureyri og afgreiðsla er opin frá kl. 9 til 16 alla virka daga. Jafnframt er skrifstofa að Sigtúni 42 í Reykjavík þar sem viðskiptavinir geta sótt alla þjónustu. Skrifstofan er opin frá kl. 9 til 12 og 12:30 til 16 alla virka daga.

Til baka

Nýjast

  • Gamla verslunin í Vaglaskógi jöfnuð við jörðu

    • 17.05.2025
    „Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“

  • Hamrastígur og Kirkjugarðsstígur Finnur ehf bauð lægst í stígagerðina

    • 17.05.2025
    Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.

  • Alþjóðaflugvöllur á Akureyri verði byggður upp

    • 16.05.2025
    Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands

  • Grafalvarleg staða í rekstri PCC Bakka rædd í atvinnuveganefnd Alþingis.

    • 16.05.2025
    Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.

  • Listasafnið á Akureyri Nýjar sýningar opnaðar

    • 16.05.2025
    Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.

  • Orkey fyrst á Íslandi með sjálfbærni- vottaða framleiðslu á lífeldsneyti

    • 16.05.2025
    Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.

  • Heyrn er ekki munaður – hún er þátttaka

    • 16.05.2025
    Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  
Sjá meira