Hæfileikakeppni fyrir grunn- skólanemendur haldin í vor
„NorðanGarri snýst um það í raun og veru að gefa grunnskólakrökkum á Norðurlandi sama möguleika og krakkarnir hafa í Reykjavík með hæfileikakeppninni Skrekkur sem haldinn er ár hvert og að þau fái tækifæri til þess að búa til eitthvað sviðsverk sem þau skapa og geta þar með sýnt. Atriði hvers skóla getur verið mjög mismunandi og áherslur ólíkar, hvort sem það er tónlist, dans, texti eða annað og verkin lýsa oft styrkleika hvers skóla fyrir sig," segir Vigdís. Hún segir mikla þörf vera fyrir keppni sem þessa hér norðan heiða. „Þetta er gott tækifæri fyrir nemendur grunnskólana að sýna hvað þau eru flott og frábær. Þetta ætti líka að virka hvetjandi fyrir bæði krakkana að nýta sér það sem er í boði í þeirra skóla og jafnframt því að vera hvetjandi fyrir skólana að auka fjölbreytni í listrænni kennslu," segir Vigdís.
Þema keppninnar í ár er; Við skiptum máli - börn og unglingar í nútímasamfélagi, og eru þátttakendur hvattir til að vera frumlegir og vinna sem mest með frumsamið efni.Verðlaun verða veitt fyrir frumlegasta verkið og áhrifamestu söguna. Einnig verða aukaverðlaun veitt fyrir bestu tónlistina, bestu búningana og bestu sviðsmyndina eða lýsinguna. Eitt verk verður svo valið sem besta verkið og koma þá allir fyrrgreindir flokkar inn við matið. Áhorfendur fá einnig að velja sitt uppáhalds atriði. Umsóknarfrestur er til 25. mars nk. og vill Vigdís hvetja nemendur grunnskólanna til þess að sýna frumkvæði í sínum skóla. „Þetta á helst að virka þannig að krakkarnir sjálfir vilji vera með og það er þeirra að biðja sinn skóla um að fá að vera með. Þetta er keppnin þeirra. Þau keppa fyrir hönd síns skóla en krafturinn verður að koma frá þeim."
Stefnt er að því að hafa keppnina að árlegum viðburði en það ræðst þó af því hvernig til tekst í vor. „Ef allt gengur vel og allir verða ánægðir og vilji verður til þess að halda áfram að þá er það stefnan. Að keppnin vaxi og dafni og verði að sama styrkleika og Skrekkur er fyrir unglinga í Reykjavík. Hugsanlega verður keppnin þá í framtíðinni haldin í Menningarhúsinu Hofi sem er rétta umgjörðin fyrir framtíðarlistamenn svæðisins," segir Vigdís Arna. Allir grunnskólar Norðurlands ættu nú þegar að hafa fengið sent umsóknareyðublað en hægt er að hafa samband og skrá sig til þátttöku í gegnum netfangið nordangarri@garrinn.net. Allar frekari upplýsingar um keppnina má sjá á http://www.garinn.net/ og á Snjáldurskinnu (fésbókinni).
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.